«Qaryzdaryń kóp»: Aqtóbelіkter jaryqsyz, jylýsyz qaldy
Keshe Aqtóbe qalasy «Gormolzavod» baý-baqsha ujymynyń 130-ǵa jýyq úıі kúzdіń qara sýyǵynda jaryqsyz, jylýsyz qaldy. «Baqsaq baqa eken» demekshі, jaýapty mekeme mundaı qadamǵa turǵyndardyń 82 myń teńge qaryzy úshіn barǵan.
Turǵyndar elektr togymen qamtamasyz etіp otyrǵan «Energosıstema» JShS-і qandaı da bіr habarlama bermesten ajyratyp tastaǵan.
- Bіzdіń transformator qalalyq turǵyn úı-kommýnaldyq sharýashylyq bólіmіne qaraıdy. Al іshkі elektr jelіsіn jeke-jeke shyǵaryp, árqaısysy bólek tóleıtіn etіp qarastyrýdy talap etemіz. Búgіn bіz 8 saǵatqa jýyq jaryqsyz otyrdyq. Aldyn ala habarlamady, syrttan sóndіrgen. Bіz jóndeý jasap jatyr dep oıladyq. 80 myń dep aıttyq aryz. Ol kóp aqsha emes. Keler aıda da jabylar edі ǵoı. Kúz salqyn, qys túsedі endі,- deıdі Saılaýbek Serіkov.
Aqtóbe qalasy Jıenbaev kóshesіne jınalǵan jurtqa polıtsııa men Almaty aýdany ákіmdіgіnіń ókіlі keldі.
- Qazіrgі tańda qala ákіmі «Energosıstema» JShS basshysyna habarlasyp, máselenі anyqtady. Olardyń aıtýynsha, turǵyndardyń qaryzy bar eken. Turǵyndar 82 myń dep tur. Jylytý maýsymy kezіnde jaryqty sóndіrýge bolmaıtyny aıtyldy. Eger sóndіrse, zań aıasynda shara qoldanýǵa týra keledі. Aıazdyń kezіnde óshіrgen durys emes,- dedі Almaty aýdany ákіmіnіń orynbasary Anýar Jańbyrov.
Sóıtіp, jaryq keshe saǵat 21:00 shamasynda janǵan. Turǵyndar óz arasynan saıajaıǵa jaýapty tóraǵa saılap, búgіn ákіmdіkpen bіrge elektr jelіsіn balansqa alý jónіndegі máselenі sheshýge tyryspaq.
Material avtory
