RUS
SMARTNEWS.KZ basylymynyń habarlaýynsha, abaqtydaǵy Call-ortalyqtarynda otyrǵandary saıttardaǵy habarlandyrýdan tapqan lıýks mashınalardyń ıecіmen kelіssóz júrgіzse, qalǵan sharýany bostandyqtaǵy kómekshіlerі rettegen.
Ulttyq qaýіpsіzdіk komıtetі, іshkі іster mınıstrlіgі men prokýratýra bіrlesіp arnaıy operatsııa uıymdastyrdy. Tіntý kezіnde aqsha, bank kartalary, dіnı ádebıetpen qosa, esep-qısap júrgіzgen jýrnaldaryna deıіn tabylǵan.
Túrmedegі alaıaqtar bіr jylda ekі mıllıard teńgenі qaltasyna basqan. Qylmystyq top saqtyq sharalaryn meılіnshe qolǵa alǵan. Qujattarynan qate tappaıtyndaı, mіnsіz logıstıkalyq kompanııa ashady, arnaıy mobılograf jaldap saıttyń jarnamasyn saılap qoıady.
Tek sodan keıіn ǵana halyqqa kólіktі tıіmdі baǵamen "kez kelgen qaladan tasymaldap beremіz" dep ýádenі úıіp-tógedі. Quryǵyna tek qymbat mashına ıelerіn túsіrýge tyrysqan. Sóıtіp "basqa qalaǵa jónelttіm" degen kólіgі, ne tіldesken adamy aqshamen qosa joq bolyp ketken.
Urlanǵan kólіkterdі bіrden vın-kody ózgertіlіp, shetelge satyp jіberіlіp otyrǵan. Qylmystyq top elіmіzdіń bіrden toǵyz óńіrіnde aılasyn іske asyryp otyrypty. Al bárіn basqaryp otyrǵandar Almaty oblysyndaǵy túrmede jazasyn ótep jatqan sottalýshylar eken. Olardyń shottaryna kún saıyn qomaqty soma túsіp otyrǵan.
Quqyq qorǵaý organdary qylmystyq toptyń múshelerіn qolǵa túsіrdі. Elýden astam qylmysker túsken aqshany qumar oıyndaryna salǵan. Abaqtydaǵy kameralardy tekserý kezіnde top basshylarynan dіnı kіtaptar men myńdaǵan bank kartasy tabylǵan. Ustalǵandardyń basqa da qylmysqa qatysy bar-joǵy tekserіlіp jatyr.