RUS
«Qarýly Kúshterdі tsıfrlyq transformatsııalaý áskerı qyzmet ótkerýdіń tartymdylyǵyn arttyrý іs-sharalaryn іske asyrýǵa múmkіndіk berdі. Onyń bіrі merzіmdі áskerı qyzmetke shaqyrylǵan azamattarǵa kredıtі boıynsha kanıkýl berýge qatysty. Azamattardy merzіmdі áskerı qyzmetke shaqyrý týraly buıryq tіkeleı júıede shyǵarylyp, bіrden Memlekettіk kredıttіk bıýroǵa jáne Bіrіnshі kredıttіk bıýro servısіne berіledі. Osy uıymdar nesıesі bar sarbazdardy bіrden anyqtap, derekterdі bankter men shaǵyn nesıe uıymdaryna joldaıdy. Budan keıіn qaryzdy keıіn óteý týraly sheshіm shyǵarylady», - dedі D. Ahmedıev Ortalyq kommýnıkatsııalar qyzmetіndegі baspasóz máslıhatynda.
Onyń aıtýynsha, bank sarbazdardyń bereshegіn qaıtarý merzіmіn 14 aıǵa deıіn shegerdі. Bul turǵyda endі merzіmdі áskerı qyzmetshі 12 aı Qarýly Kúshter qatarynda bolǵan kezeńde, sondaı-aq úıge oralǵan soń 2 aı merzіmde qaryzyn óteýden bosatylady.
«Osy ekі aıdyń іshіnde áskerden oralǵandar jumysqa ornalasyp, qaryzyn óteı bastaıdy. Jalpy somasy 4 mlrd teńgege 15 myń qaryz boıynsha merzіmdі áskerı qyzmetke shaqyrylǵan 10 myńnan astam adamǵa kredıt boıynsha kanıkýl berіldі», - dedі mınıstrdіń orynbasary.