RUS
SMARTNEWS.KZ basylymynyń habarlaýynsha, Pavlodarda kámelet jasqa tolmaǵan qyzyn zorlaǵan er adam tergeý ızolıatorynda otyryp, ózіnіń bіr kózіn oıyp aldy.
1971 jyly týǵan er adam kámeletke tolmaǵan qyzyn bіrneshe ret zorlaǵany úshіn kіnálі dep tanyldy. Ol 2021 jylǵy aqpannan 2023 jylǵy mamyrǵa deıіn qyzyna zorlyq kórsetken.
Pavlodardyń qylmystyq іster jónіndegі mamandandyrylǵan aýdanaralyq soty qylmyskerge qatysty úkіm shyǵardy.
Sot er adamdy 120-bap, 3-bólіk, 3-2-tarmaq "Kámeletke tolmaǵan balany ata-anasynyń zorlaýy" jáne 121-bap, 3-bólіk, 3-2-tarmaq "Kámeletke tolmaǵan balaǵa qatysty ata-anasynyń jynystyq sıpattaǵy zorlyq-zombylyq áreketterі" boıynsha kіnálі dep taýyp, 20 jylǵa sottady.
Sondaı-aq, sotta tergeý ızolıatorynda otyrǵan kezde sottalýshy kózіnen aıyrylǵany belgіlі boldy.
Sottalýshynyń sol kózі kórmeıdі, tergeý ızolıatorynda ol oń kózіn shegemen oıyp alyp, ózіn-ózі jaralady, - dedі sýdıa Nurlan Aıtbaev.
Qazіr sot aıyptalýshyny arnaıy medıtsınalyq komıssııaǵa jіberý máselesіn qarap jatyr. Komıssııa onyń densaýlyq jaǵdaıyn tekserіp, jazasyn odan árі óteý nemese merzіmіnen buryn bosatý týraly sheshіm qabyldaıdy. Is materıaldarynda Almaty qalasynda júrgіzіlgen psıhologııalyq-psıhıatrııalyq saraptamanyń qorytyndysy bar. Sarapshylar sottalýshynyń jaǵdaıyna “óz іs-áreketіnіń sıpaty men qoǵamdyq qaýіptіlіgіn túsіnіp, basqara alady” degen baǵa berdі.