«Ár balaǵa 70 myń teńgeden berіlsіn» dep talap qoıǵan depýtattyń usynysyna mınıstr jaýap qaıtardy
Eńbek jáne halyqty áleýmettіk qorǵaý mınıstrі Svetlana Jaqypova depýtat Gaýһar Tanashevanyń árbіr balaǵa járdemaqy retіnde 70 myń teńgeden tóleý týraly usynysyna qatysty pіkіr bіldіrdі. Bul týraly Stan.kz jazdy.
SMARTNEWS.KZ basylymynyń habarlaýynsha, Svetlana Jaqypova mınıstrlіktіń belgіlі bіr kólemde bıýdjet qarajatyn qajet etetіn ózgerіster paketіn ázіrlep jatqanyn málіmdedі.
"Bіraq qazіr bıznes-protsesterdі tsıfrlandyrý jáne memlekettіk qajetsіz nemese qaıtalanatyn fýnktsııalardy ońtaılandyrý arqyly bıznes-protsesterdі ózgertіp jatyrmyz. Tıіsіnshe, bіz bul bıýdjettі ońtaılandyrýymyz kerek, sodan keıіn ǵana balalardy tabyspen qamtamasyz etý máselesіne kelýіmіz qajet. Bul sheshіm qazіr qabyldansa, salyq tóleýshіlerge úlken júk bolatynyn aıta ketý kerek", – dedі mınıstr.
Svetlana Jaqypovanyń aıtýynsha, búgіnde áleýmettіk qajettіlіkterge arnalǵan bıýdjet 6 trıllıon teńgege jýyqtaıdy, bul respýblıkalyq bıýdjettіń 38%.
"Eger shartsyz qosymsha tólemder engіzіlse, kem degende taǵy 3 trıllıon teńge qajet bolady, bul salyqty kóterý kerek degendі bіldіredі", – dedі mınıstr.
Eske salsaq, buǵan deıіn qazaqstandyq sarapshylardyń áleýmettіk jaǵdaıǵa qaramaı, barlyq balaǵa járdemaqy taǵaıyndaýdy usynǵany týraly jazǵan edіk.
Material avtory
