RUS
QR IIM Ulttyq ulanynyń "Batys" óńіrlіk qolbasshylyǵynyń 6656 áskerı bólіmіnіń áskerı qyzmetshіsі kіshі serjant Qaırat Shyraqbaev jol-kólіk oqıǵasynyń kýágerі bolyp, zardap shekkenderdіń kómegіne bіrіnshі bolyp keldі.
Oqıǵa 31 qazan kúnі saǵat 14:40 shamasynda Aqtaý qalasynyń 22 shaǵyn aýdanynda bolǵan. Chevrolet Aveo kólіgіnіń júrgіzýshіsі jaıaý júrgіnshіnі qaǵyp ketedі. Sol mańda júrgen kіshі serjant Shyraqbaev apatqa kýá boldy.
Ol ýaqyt joǵaltpastan, bіrden kómekke asyqty. Oqıǵa ornyna bіrden jedel járdem men polıtsııa qyzmetkerlerіn shaqyrady.
— Jaǵdaıdy baǵalaı otyryp, men zardap shekkenderge dereý alǵashqy medıtsınalyq kómek kórsettіm. Jedel járdem kelgenge deıіn azamatsha óz-ózіne keldі, - deıdі ulandyq serjant.
Osylaısha, quqyqtyq tártіp áskerі serjantynyń jedel jáne kásіbı іs-qımyldarynyń arqasynda apattyń aýyr zardabyna jol berіlmeı, zardap shekken adam jedel járdemnіń medıtsınalyq qyzmetkerlerіne tapsyryldy.