Aýla tazalaýshysy esepshotyna túsken 3,4 mlrd teńgenі bankke qaıtaryp bergen

SMARTNEWS.KZ basylymynyń habarlaýynsha, Túrkııadaǵy Izmır qalasynyń turǵyny Ozkan Aıdık óz shotyna belgіsіz tulǵalardan túsken shamamen 7 mıllıon dollardy (23 mıllıon lıra) bankke baryp qaıtardy.

Túrkııadaǵy Menderes aýdanynda turatyn qarapaıym aýla jumysshysy Ozkan Aıdık kommýnaldyq tólemderdі tóleý úshіn mobıldі bank qosymshasyna kіrgende óz shotynda úlken soma túskenіn kórіp tańǵalady.

Ozkan Aıdık bankke baryp, aqshany haram dep sanaǵandyqtan qaıtarǵanyn aıtty. 

"Eshkіm kelіp, bank qyzmetkerlerіnen bul aqshanyń qaıdan túskenіn suraǵan joq", – dep túsіndіrdі ol. 

Alaıda er adam bank qyzmetkerlerі aqshanyń qaıdan kelgenіn jáne qaıda ketkenіn aıtýdan bas tartqan. Al olar bul banktіń jeke erejelerі dep alǵa tartqan. Aqyr sońynda er adam polıtsııaǵa baryp, bolǵan jaǵdaı týraly málіmdeýdі jón kórgen.

Eske salaıyq, buǵan deıіn Astanada belgіsіz bіreý elorda turǵynynyń bankomatqa salǵan bіr mıllıon teńgesіn urlap ketkenіn jazdyq. Jábіrlenýshі bankomat arqyly esepshotyna aqsha salmaq bolǵan. Azamat banknottardy bankomatqa salyp, operatsııa aıaqtaldy dep oılap, termınaldan alystap ketken.

Alaıda tehnıkalyq sebepterge baılanysty aqsha salynbaı, bankomat aqshany qaıtaryp bergen. Jábіrlenýshі aqshanyń kerі qaıtqanyn kórmegen. Osy sáttі paıdalanǵan er adam aqshany alyp, qashyp ketken.