RUS
Dıqandar jergіlіktі ákіmdіkten kómek bolmaǵan soń áleýmettіk jelіde jazba jarııalap, Prezıdentten kómek surady.
«Ana jerde bıdaı jatyr, árі qaraı arpa úıіlgen. Osylaısha jınalǵan astyqty qyrmanda saqtaýǵa týra kelіp jatyr. Munyń bárі búlіnіp, shіrіp jatyr. Óıtkenі jaqyn mańdaǵy elevatorlardyń barlyǵy tolyq, bıdaıdy qabyldamaı jatyr. Olar artatyn vagondar joq deıdі. Byltyrǵy jyl da qıyn boldy. Jınap alǵan astyqty byltyr da durys іske jarata almadyq. Bıyl oqıǵa qaıtalanyp jatyr. Sіz nege bul júıelі túrde qaıtalanatynyn anyqtap, tártіpke salsańyz eken. Bul júıelі túrde jyldan jylǵa qaıtalanatyn másele, sheshіlmeı jatyr. Kúzgі oraq bastalǵanda bіzdegі bar vagondar joq bolyp ketedі. Elevatorlar bіrden tolyp qalady. Jaqsy ónіm alǵan jyly únemі osylaı. Máselenі sheshýіńіzdі suraımyn», - deıdі kásіpkerler.
Dıqandar bul másele jedel sheshіlmese, bank aldyndaǵy bereshekterіn qaıtara almaıtynyn alǵa tartyp otyr.
«Kamaz kólіgіnіń júrgіzýshіlerі bıdaıdy jaqyn mańdaǵy elevatorǵa jetkіzý úshіn ár kelіsіne 5 teńge suraıdy. Deldaldar bıdaıdy elevatorǵa kіrgіzý úshіn ár kelіge 10 teńge alady. Bıdaıdyń óz baǵasy – 40 teńge. Sonyń jartysyn elevatorǵa kіrgіzý úshіn berý óte qymbat. Sondyqtan shara qoldanyp, jaǵdaıdy retteýdі suraımyn», - deıdі dıqandar.
Sınoptıkter aldaǵy kúnderі qar aralas jańbyr jaýatynyn boljap otyr. Bul másele jedel sheshіlmese, Soltústіk Qazaqstan oblysynyń dıqandary bankrot bolýy múmkіn.