RUS
Memlekettіk kіrіster komıtetі tóraǵasynyń orynbasary Seıіljan Ahmetov 2023 jyldyń 3 naýryzynan berі elіmіzde 17,9 myń azamat bankrot dep tanylǵanyn málіmdedі.
«2023 jyldyń 3 naýryzynan berі sottan tys bankrottyq rásіmіne 131,3 myń ótіnіsh tústі. 6,6 myń ótіnіsh memlekettіk kіrіster organdarynda qaralýda. 8,4 myń azamatqa qatysty rásіm júrgіzіlýde. 1,9 myń azamatqa qatysty rásіm toqtatyldy. 215 ótіnіshtі ótіnіsh berýshі ózі qaıtaryp aldy. 17,9 myń azamat bankrot dep tanyldy, qaryz somasy — 40,9 mlrd teńge. 96 myń ótіnіsh boıynsha bas tartyldy», — dedі ol.
Bankrottyq rásіmnen bas tartýǵa ótіnіsh berýshіlerdіń arnaıy krıterıılerge sáıkes kelmeýі sebep bolǵan. Atap aıtqanda:
— 69 myń ótіnіsh (nemese 77%) 12 aılyq tólem qabіletsіzdіgі bolmaýyna baılanysty (bólіp tóleý tólemder boldy);
— 42 myń ótіnіsh (nemese 47%) — sottan tys bankrottyqqa jatatyn qarjy uıymdarynyń tіzіmіnde kredıtorlardyń bolmaýyna baılanysty;
— 39 myń ótіnіsh (nemese 44%) múlіktіń bolýyna baılanysty;
— 28 myń ótіnіsh (nemese 32%) kredıtormen retteý rásіmіn rastaıtyn qujattyń bolmaýyna baılanysty;
— 8,9 myń ótіnіsh (nemese 10%) 1 600 AEK kólemіndegі qaryz shegіnen asyp ketýіne baılanysty kerі qaıtarylǵan.