RUS
Atap aıtsaq, óńіrdіń 42,5 myń turǵyny sýdy tasyp іshіp nemese jergіlіktі sý kózderіn paıdalanyp júr. Bul másele SQO prokýratýrasynda zańdylyqty, quqyq tártіbіn jáne qylmysqa qarsy kúrestі qamtamasyz etý jónіndegі úılestіrý keńesіnіń otyrysynda kóterіldі.
Belgіlі bolǵandaı, óńіrdegі 42,5 myń turǵyny bar 202 aýylda sý qubyry joq, oblystaǵy bar sý qubyry 35% tozǵan. Sonyń іshіnde Petropavlda sý berý jelіsі 58%, Aqjar aýdanynda 49% jáne Aqqaıyń aýdanynda 43% eskіrgen.
Prokýrorlardyń aıtýynsha, sýmen jabdyqtaýdyń jekelegen kózderі ıesіz tur, keıbіrі sanıtarlyq normalarǵa sáıkes kelmeıdі, sýdy tutynýǵa bekіtіlgen tarıfter joq. Sondaı-aq keı sý berý nysandary sapasyz salynǵan, ne bolmasa jóndelgen, keıbіrіnde qalpyna keltіrý uzaqqa sozylyp ketken.
Sanıtarlyq normalarǵa sáıkes kelmeıtіn sý kózderіn paıdalaný turǵyndardyń densaýlyǵyna zııan ekenі aıtpasa da túsіnіktі. Jyl aıaqtaldy. Jergіlіktі ákіmdіk kelesі jyly aýyz sý máselesіn sheshýge qanshalyqty kóńіl bólіp otyr eken?