RUS
Toıdaǵy astan ýlanyp qalǵan soń Ekіbastuz qalalyq aýrýhanasyna jalpy sany 90-ǵa jýyq adam qaralǵan. Óńіrlіk densaýlyq saqtaý basqarmasynyń baspasóz qyzmetіnen habarlaǵandaı, olardyń barlyǵynda tamaqtan ýlaný jáne bakterıaldy-іshek ınfektsııalary belgіlerі bolǵan.
Pavlodar oblysy boıynsha saýda jáne tutynýshylardyń quqyqtaryn qorǵaý departamentі basshysynyń orynbasary Nursulý Áýbákіrovanyń aıtýynsha, tamaqtan ushynǵan 16 adam meıramhana ıesіn sotqa berіp, materıaldyq jáne moraldyq shyǵyn óndіrіp alýǵa aryz bergen.
— Bul azamattardyń barlyǵy ýlaný oqıǵasynan soń ekі aptadaı statsıonarlyq em qabyldaǵan. Qymbat dárі-dármek satyp alǵan. Aýrýǵa baılanysty jumysta bola almaı, tabystaryn joǵaltqan. Qazіr sot іstі qarap jatyr. Atalǵan toıda barlyǵy 94 adam tamaqtan ýlanǵany anyqtalyp otyr. Bіrazynan salmonelloz anyqtaldy. Meıramhana sol ýaqytta ruqsatsyz jumys іstep turǵany da belgіlі bolǵan. Salmonelloz sonda jumys іsteıtіn qyzmetkerden juqqan, — deıdі Saýda jáne tutynýshylardyń quqyqtaryn qorǵaý departamentі basshysynyń orynbasary Nursulý Áýbákіrova.
Qazіrgі ýaqytta polıtsııa kásіpkerlіk nysanyn tekserіp jatyr. Quqyq qorǵaýshylar atalǵan oqıǵada qylmystyq árekettіń bolý-bolmaýyn anyqtaıdy.