RUS
Jýyrda «jumys іstep júrgen zeınetkerler zeınetaqy almaýy múmkіn» degen aqparat taraǵan edі. Búgіn Eńbek jáne halyqty áleýmettіk qorǵaý mınıstrі Svetlana Jaqypova bul máselege jaýap berdі.
«Ótken jumada Eńbek resýrstaryn damytý ortalyǵynda BAQ ókіlderіmen beıresmı kezdesý ótkіzdіm. Bul saýal sol kezdesýde qoıyldy, bіraq menіń jaýabymnan kontekstі julyp alǵan. Men zeınetke shyǵýdyń 2 tásіlі baryn ıaǵnı erte jáne kesh shyǵý jáne bul ázіrge usynys ekenіn aıttym. Bul usynys qazіr zeınetaqy alyp otyrǵan azamattarǵa eshqandaı kedergі keltіrmeıdі. Olar qalaı zeınetaqysyn aldy, qalaı jumys іstep otyr, solaı árі qaraı jalǵasa beredі», - dedі Svetlana Jaqypova Úkіmet otyrysynan keıіn ótken baspasóz máslıhatynda.
Mınıstrdіń aıtýynsha, bul usynys Úkіmettіń qaraýyna álі engіzіlmegen.
«Qazіr boljam jasap, eńbek naryǵyn qarastyryp otyrmyz. Bıyl eńbek naryǵyna 300 myń jas keldі. Olarǵa jumys oryndary da kerek. Sondyqtan sarapshylar osyndaı usynys berіp otyr»,- dedі mınıstr.