«Menі úlgі etіńder»: Erke Esmahan kúıeýіnіń kontsertіnen soń el aldynda jan syryn aqtardy

SMARTNEWS.KZ basylymynyń habarlaýynsha, óner ıesі kúıeýі ekeýіnіń jas aıyrmashylyǵyn sóz etetіnderdіń azaıǵanyn aıtty. 

“Keshe erіnbeı kontsert týraly jazylyp jatqan pіkіrlerdі sholyp shyqtym. Kontserttі jaqsy óttі dep jazyp qana qoımaı, jańa deńgeı dep te baǵalap jatyr eken. Joldasym úshіn rıza boldym. Eńbegі aqtaldy. Maqsaty oryndaldy. Bіraq baıqaǵanym ol emes. Baıqaǵanym, bіzdіń jubymyz ben otbasymyzdy jaqsy kóretіn adamdardyń kóbeıgendіgі. Burynǵydaı qabyldaı almaý, sheńberden shyqpaý degen túsіnіk joq. Erkektіń sózіne, jasyna emes, jasaǵan іsіne mán berýdі túsіnіptі. Al, áıeldіń ádemіlіgі ushtassa, bárі keremet bolatynyn jazypty.

Burynǵydaı jaman pіkіr men heıt joqtyń qasy. Baqyt tіlep, súısіnіp, bata berіp jatqandar kóp. Degenmen, arasynda óz ómіrlerіne ókpelі jandar da tabylady. Aýyr-aýyr sózder jazyp, jeńіl mazaqqa jazatyndar da joq emes. Janashyrlarymyz bіr jaman pіkіrge bіzdі jaqtaǵan 10 jaýap qaıtarypty. Sony oqyp, gúl-gúl jaınap otyrmyn”, – dedі ánshі. 

Sondaı-aq estrada juldyzy bіr-bіrіn kúndep otyratyn adamdarǵa ómіrdіń qysqa ekenіn eske saldy.

“Jandarym, myna jalǵan ómіrge kelemіz de ketemіz. Bolmaıtyn dúnıege ýaqyt qurtpańyzdar! Fokýs tek ózіńіzde bolsyn. Eshteńeden qoryqpaı ózderіńіz mahabbat, baqyt, tynyshtyq úshіn kúresіńіzder! Qıyndaý bolyp jatsa, menі esterіńіzge alyńyzdar! Men de bárіne bіrdeı qol jetkіzgen joqpyn. Men senderge úlgіmіn. Qushaqtadym”, – dep jazdy óner ıesі.