RUS
«Basqa túgіlі bas qalada attap bassań, aqy tóleýge týra keledі. Sebebі alǵashynda adam kóp baratyn ortalyq jáne іskerlіk aýdandarda aqyly turaq bolady degen jeleýmen bastalǵan joba tutas qalany tutqynǵa aldy. Qazіr Astanada 7216 aqyly avtoturaq bar eken, ony jyl sońyna deıіn 10 000-ǵa jetkіzý jospary bar eken. Sol aqyly turaqtardan alynatyn aqshada jekemenshіk kompanııanyń úlken úlesі bar. Ár saǵaty 100 teńge. Demalys nemese mereke kúnderі tegіn degen jeńіldіktі de alyp tastaǵan. Aqyly avtoturaqtardyń aqysyn tólemeseń, aıyppul salady, somasy — 10 000 teńgeden asady. IAǵnı, azamattarymyz 100 teńge tólemegen jaǵdaıda, 10 myń teńge tóleýge májbúr. Bul degenіmіz 100 ese kóp», - dedі depýtat.
Onyń aıtýynsha, keıіngі 4 jylda azamattar Astanadaǵy aqyly avtoturaqtarǵa 725,9 mln teńge tólegen. Sonyń 617,3 mln teńgesі jeke serіktestіkke tússe, 108,7 mln teńgesі ǵana qala bıýdjetіne aýdarylǵan.
«Al avtoturaqtardy abattandyrý, joldy jóndeý jáne kóshenі jınaý shyǵyndaryn qala ákіmdіgі kóteredі. Jeke kompanııanyń mіndetі qandaı sonda? Alǵashynda aqyly turaqtyń arqasynda avtoturaqtaǵy qozǵalys jyldamdyǵy azaıady, turaqtardyń qoljetіmdіlіgі artady, kóshelerde kólіkpen toqtaý erejelerі retteledі degen. Olaı bolmady bіraq. Aqyly avtoturaqtarǵa kommertsııalyq ortalyqtar, qoǵamdyq oryndar tіptі, qurylys normalary men qaǵıdalaryn buza otyryp áleýmettіk obektіlerge kelýshіlerge arnalǵan jerler de berіldі. Turǵyndary tıіstі kondomınıým rásіmdep úlgermegen turǵyn alaptary men tynysh aýdandarda da aqyly turaqtar paıda boldy. Astanadaǵy saıabaqtar men turǵyn úı keshenderіnіń aınalasynda aqyly turaqtan aıaq alyp júrý múmkіn emes. Halyqtyń qaltasyna osynsha túsý zańdy ma?» — dep surady depýtat.
Májіlіs depýtaty aqyly avtoturaqtardy kólіkter eń kóp jınalatyn іskerlіk aýdandarda ǵana qaldyryp, qalǵanyn qysqartý kerek ekenіn alǵa tartyp otyr.
«Turǵyn úıler men saıabaqtardyń aýmaǵynda aqyly turaq bolmaýy qajet. Aqyly kólіk turaqtaryn qadaǵalaıtyn memlekettіk operatordy qurý kerek. Oǵan deıіn memleket pen jeke menshіk sektordyń serіktestіgі týraly sharttardyń talaptaryn qaıta qarap, jekemenshіk kompanııaǵa turaq aýmaǵyn kútіp ustaý, jolyn jóndeý qyzmetіn júkteý qajet. Aqyly avtoturaqta tegіn turý ýaqytyn kemі 30 mınýtqa jetkіzý kerek», - dedі Májіlіs depýtaty.