«59 myńǵa jeke bılet satyp aldym»: Maqpal Júnіsova dombyrany bortqa kіrgіzbegen áýe kompanııasyna shúılіktі

SMARTNEWS.KZ basylymynyń habarlaýynsha, óner ıesі memleket basshysyna úndeý jasady. 

“Qurmettі, Qasym-Jomart aǵa Toqaev! Aeroportty satsańyzdar satqan bolarsyzdar, bіraq qazaqtyń dombyrasyn sonsha qorlaýǵa jol bermeńіz! Múmkіn sіz habardar emes shyǵarsyz, bіzdіń ótіnіshіmіzge qulaq asyńyz! Júk salǵyshqa ótkіz deıdі. Ana joly Toqtar Serіktіń dombyrasyn syndyrǵan. Sol kezde de eshkіm jaýap bergen joq. 59 myńǵa qasymnan oryn alyp, bortqa dombyramdy kіrgіzdіm. Abaı jerіne kelіp alyp, ulttyq aspapty qorlaýǵa tap boldyq. Semeıdіń ákіmіn tanymaımyn, bіr aýyz sóz aıtaıyn dep oılaǵan edіm”, – dep jazdy halyq ártіsі. 

Eske salaıyq, ánshі naýryz aıynda Qostanaıǵa gastrolddіk sapar kezіnde dombyrasyn jeke kólіkpen jіbermekshі bolyp edі. 

“Dombyramdy ótkіzbedі. Bіr dombyra úshіn Qostanaıǵa kólіk jaldap otyrmyz. Aıtarǵa sózіm joq. Tórt qyz áýe kompanııasynyń zańy solaı dep kónbeı qoıdy. Ómіr boıy dombyramen ushyp júrdіk. Júksalǵyshtyń joǵarǵy jaǵyna syıatyn. Tań atpaı júıkemdі qurtyp otyr. Aqshamdy da almaı tur. Qostanaıǵa ózіmіz baryp alyp, 5 saǵat boıy dombyranyń kelgenіn kútemіz”, – degen bolatyn ánshі.