Kóńіldes áıeldі óltіrý úshіn 500 myń teńgege tapsyrys bergen ákіm túrmeden shyqty
Serіkqalıev 8 jylyn túrmede ótkіzgen.
SMARTNEWS.KZ basylymynyń habarlaýynsha, eks-sheneýnіktіń naqty jazasy shartty jazaǵa 2024 jylǵy sáýіrde aýystyrylǵan, alaıda bul týraly qazіr ǵana belgіlі bolyp otyr. Bul týraly mgorod.kz jazdy.
BQO-nyń Terektі aýdanynyń burynǵy ákіmі Jeńіs Serіkqalıev ótelmegen jazany shartty merzіmge aýystyrý týraly ótіnіsh bergen. Serіkqalıev sot taǵaıyndaǵan 11 jyldyń 8 jylyn túrmede ótkіzgen. Onyń merzіmі 2027 jylǵy 14 naýryzda aıaqtalýy tıіs edі.
Sot málіmetіnshe, jazasyn óteý kezіnde Serńkqalıev ereje buzbaı, іs-sharalarǵa belsene qatysqan.
Esterіńіzde bolsa, 2016 jylǵy 23 aqpanda Terektі aýdanynyń kóńіldesіne ekі adam shabýyl jasap, kóptegen pyshaq jaraqatyn keltіrgen. Áıel tіrі qalyp, Terektі aýdanynyń TKSh bastyǵynyń júrgіzýshіsіn tanyp qoıǵan. Sot otyrysy barysynda ákіm Jeńіs Serіkqalıev ózіnіń dosy – TKSh bastyǵy Qojamuratovtan kóńіldesіn óltіrýdі suraǵan. Óıtkenі ekeýіnіń ortaq qyzy bolǵandyqtan, áıel ony bopsalaýmen aınalysqan. Óz kezegіnde Qojamuratov bul tapsyrmany ózіnіń júrgіzýshіsіne júktep, oǵan 500 myń teńge bergen.
Terektі aýdanynyń burynǵy ákіmі men onyń sybaılastaryna qatysty sot sheshіmі 2016 jylǵy 1 qyrkúıekte shyǵaryldy. Olarǵa 10 jyldan 11 jylǵa deıіn bas bostandyǵynan aıyrý jazasy taǵaıyndaldy.
Material avtory
