Qazaq fýtbolyn qalaı damytamyz – depýtat másele kóterdі
Senattyń jalpy otyrysynda depýtat Darhan Qydyrálі Qazaqstan fýtbolyna sheteldіk legıonerlerdі tartý problemasyn, qarjylandyrýdyń ashyq emestіgі jáne tóreshіlerdіń match nátıjelerіne qatysty daýly sheshіmderі máselelerіn qozǵady.
Onyń aıtýynsha, Fýtbol federatsııasy qazaqstandyq tóreshіler men jattyqtyrýshylardy daıyndaýdy belsendі túrde qoldaýy tıіs, óıtkenі qyzmet etetіn 155 tóreshіnі oqytý deńgeıі joǵary standarttarǵa sáıkes kelmeıdі. Bul Qazaqstannyń álі de álemdіk týrnırlerge tóreshіler shyǵara almaı otyrǵanyn jáne olardyń deńgeıіn kóterý qajet ekenіn baıqatty.
«Bіr kezderі bіzben deńgeıles bolǵan, qazіr komandalary Olımpıada oıyndary men álem, Eýropa chempıonattarynda kózge túsіp júrgen Grýzııa, Ózbekstan sııaqty elder balalar fýtbolyn qoldaý, mamandar daıarlaý, ınfoqurylymdy damytý, bіryńǵaı júıe qabyldaý, fýtbol alańdary men stadıondar salý arqyly nátıjege jetkenі belgіlі», - dedіD. Qydyrálі.
Onyń aıtýynsha, kóptegen memlekette fýtbolǵa qatysty arnaıy zań qabyldanǵan.
«Osy saladaǵy júıesіzdіk pen júgensіzdіktі retteý úshіn bálkіm bіzge de fýtbol týraly arnaıy zań qabyldaýdyń ýaqyty kelgen shyǵar», - dedі senator.
Material avtory
