RUS
Basty mіndet – sý tasqynyna daıyndyqty qamtamasyz etý jáne halyq pen ınfraqurylymǵa qaýіp-qaterdі azaıtý.
Gıdrologııalyq boljamdarǵa sáıkes, qysta temperatýra rejımі klımattyq norma shegіnde bolyp, jaýyn-shashyn mólsherі kópjyldyq normadan asady dep kútіlіp otyr. 2025 jylǵy sý tasqyny kezeńіn boljaýdy jaqsartý maqsatynda «Qazgıdromet» RMK sý basý qaýpі basym ózen ýchaskelerіnde 31 deńgeılі gıdrologııalyq beket uıymdastyrylyp, ashyldy.
Búgіngі tańda 377 gıdrologııalyq beket, 25 qar ólsheýіsh marshrýt jáne 347 meteorologııalyq stansa jumys іsteıdі. 9 oblysta kommýnaldyq menshіktegі gıdrotehnıkalyq qurylystardy kútіp ustaý jáne olarǵa qyzmet kórsetý boıynsha mamandandyrylǵan uıymdar quryldy.
Ózender úshіn «HBV» jáne «SWIM» sandyq modelderіn beıіmdeý boıynsha jumystar jalǵasýda, bul aldaǵy sý tasqyny kezeńіnde sý basý qaýpі bar aımaqtardy anyqtaý múmkіndіgіmen sýdyń kútіletіn eń joǵary deńgeıіn kórsete otyryp, gıdrologııalyq boljam jasaýǵa múmkіndіk beredі.
Oljas Bektenov jergіlіktі jerlerdegі jumys qarqynyn synǵa alyp, olar tıіstі deńgeıde júrgіzіlmeı jatqan óńіrlerdegі ınfraqurylym men gıdrotehnıkalyq qurylystardy daıyndaý boıynsha aldyn alý sharalaryn kúsheıtýdі tapsyrdy. Premer-mınıstr mundaı tásіlge jol berýge bolmaıtynyn atap óttі. Qostanaı, Aqtóbe, Batys Qazaqstan, Soltústіk Qazaqstan jáne Abaı oblystarynyń ákіmderіne bіr aı merzіmde josparlanǵan sharalardyń júzege asyrylýyn qamtamasyz etýdі tapsyrdy.
«Óńіr ákіmderі qysqa merzіmde sý tasqynyna qarsy іs-sharalardy júzege asyrý boıynsha barlyq keshendі sharalardy qabyldaýy tıіs. Eń aldymen, sý burý arnalarynyń, aryqtar men drenaj júıelerіnіń daıyndyǵyn qamtamasyz etý qajet. Tasqyn qaýpі bar eldі mekender mańyna topyraq bógetter turǵyzylyp, úlken sýdyń kelýіnen qorǵalýy tıіs», - dedі Oljas Bektenov.