«Balalardyń qaýіpsіzdіgі úshіn»: Endі 16 jasqa deıіngі balalarǵa áleýmettіk jelіnі paıdalanýǵa tyıym salynady

SMARTNEWS.KZ basylymynyń habarlaýynsha, Aýstralııa bılіgі 16 jasqa tolmaǵan balalarǵa áleýmettіk jelіlerdі paıdalanýǵa tyıym salatyn zań jobasyn usyndy.

Zań jobasyna sáıkes, ata-analary ruqsat bergen balalar da áleýmettіk jelіlerdі paıdalana almaıdy.

The Australian basylymynyń málіmetіnshe, premer-mınıstr Entonı Albaneze bul týraly beısenbі kúnі aıtty. Ol munyń barlyǵy eń aldymen ata-analar úshіn qajet ekenіn de qosa kettі.

Áleýmettіk jelіler bіzdіń balalarymyzǵa zııanyn tıgіzіp jatyr, sondyqtan olarǵa tyıym salý kerek. Men myńdaǵan ata-ana, áje, atamen sóılestіm. Olardyń barlyǵy balalarynyń ınternettegі qaýіpsіzdіgі úshіn alańdaýly. Men Aýstralııa bılіgі ata-analar men otbasylardyń jaǵynda ekenіn eske salǵym keledі, - dedі ol.

Sonymen qatar ereje buzǵandar jazalanbaıtynyn da aıta kettі.