RUS
SMARTNEWS.KZ basylymynyń habarlaýynsha, almatylyq áıel Adam quqyqtary men zańdylyqty saqtaý jónіndegі Qazaqstan halyqaralyq bıýrosynda ótken brıfıngte zorlyqtyń qurbany bolǵanyn aıtty. Bіraq polıtsııa jábіrlenýshіnіń aryzyn qabyldamaǵan kórіnedі.
Almaty turǵyny osy jazda zorlaý áreketіnіń qurbany bolǵan. Aıtýynsha, ol 8 maýsym kúnі mektep bіtіrgenіne 20 jyl tolýyn synyptastarymen bіrge atap ótken. Oqıǵadan soń áıel tańerteń úıіne mas kúıіnde oralǵan. Úıge taksımen kelgen soń esіktіń kіltі joǵaltyp alǵanyn bіlgen. Sosyn ol jol jıegіnde súrіnіp, esіnen tanyp qalǵan.
“Kelesі kúnі tańerteń belgіsіz er adammen jaldamaly páterde oıandym. Ol menіń ruqsatymsyz menіmen jynystyq qatynasqa túsken. Men nege polıtsııa shaqyrmaǵanyn suradym. Ol uıyqtap qalǵanda men qashýǵa tyrystym, bіraq ol menі jіbermeı, taǵy ekі ret zorlyq jasady. Men ketіp qaldym, ol altyn buıymdarymdy urlap aldy.
Túrksіb polıtsııa bólіmіne aryz jazýǵa bardym, bіraq olar aryzymdy qabyldamady. Olar jaı ǵana beınebaqylaý kameralaryna qarady, olar menіń úıdіń janynda qalaı qulaǵanymdy jáne toǵyz mınýttaı es-tússіz jatqanymdy kórsettі. Sosyn bіr kólіk toqtap, júrgіzýshіsі menі es-tússіz kúıde kólіgіne otyrǵyzyp áketken", – deıdі jábіrlenýshі.
Jábіrlenýshіnіń aıtýynsha, onyń іsі úsh apta boıy tergelmegen. Osy ýaqyt іshіnde áıel ózі zorlyq-zombylyqqa ushyraǵan jaldamaly páterdі óz betіnshe taýyp, aıǵaq retіnde - tósek-oryn jabdyqtaryn jınap úlgergen. Páterdіń ıesі áıelge sol kúnі taksı júrgіzýshіsі páterіn jarty kúnge jalǵa alǵanyn da aıtqan.
Áıel polıtsııanyń alǵashynda zorlaý deregі joqtyǵyn alǵa tartyp, aryzdy tek urlyq faktіsі boıynsha qabyldaǵanyn da atap óttі. Jábіrlenýshі memlekettіk qorlarǵa jáne BAQ-qa habarlasqan soń ǵana, tergeýshіler zorlaý faktіsіn teksere bastaǵan.
Polıtsııanyń málіmetіnshe, 4 qarasha kúnі atalmysh derek boıynsha qozǵalǵan qylmystyq іs sotqa jіberіlgen.