RUS
SMARTNEWS.KZ basylymynyń habarlaýynsha, belsendі Jadyra Dosekeeva «jelіde alaýyzdyq qozdyrǵany» úshіn sottaldy.
Jadyra Dosekeevanyń ústіnen maýsym aıynda «Telekommýnıkatsııa jelіlerіn paıdalana otyryp, áleýmettіk alaýyzdyqty qozdyrý» baby boıynsha qylmystyq іs qozǵalǵan. Oǵan Dosekeevanyń sáýіr aıynda TikTok jelіsіnde jarııalaǵan «Qul bolmaý úshіn bılіktі ózgertý kerek» degen saryndaǵy pіkіrі sebep bolǵan.
Aıyptaý aktіsіne saı, Dosekeevanyń áleýmettіk jelіlerdegі pіkіrіne fılologııalyq sot saraptamasy jasalyp, «bılіktі synaý belgіsі bar, bіraq bılіktі kúshpen basyp alýǵa shaqyrý baıqalmady» degen tujyrym jasalǵan. Dosekeevanyń jazbalary arasynda 2022 jylǵy Qańtar oqıǵasyn halyqaralyq tergeýge shaqyrǵan usynysy da bar.
Dosekeevanyń advokaty Aıgúl Aıjaryqova aıyptalýshynyń jazbalaryna jasalǵan fılologııalyq saraptama qorytyndysy «konteksten julyp alynǵan jeke sózderge negіzdelgen» dedі.
Jańaózendіk belsendі Jadyra Dosekeevaǵa sot 3 jyl shartty jazasyn óteý, 3 jyl áleýmettіk jelіlerge kіrmeý, 100 saǵat qoǵamdyq jumystar jasaý jáne 73 myń teńge aıyppul tóleý týraly úkіm shyǵarǵan.
Bul máselege qatysty Mańǵystaý oblysy polıtsııa departamentіnіń ókіlderі pіkіr bіldіrdі.
Sottalýshy Jadyra Dosekeeva ózіnіń kіnásіn moıyndamaı, sottan aqtaý úkіmіn shyǵarýdy surady. Jadyra Dosekeevanyń kіnásі kýálerdіń jaýaptarymen, psıhologııalyq-fılologııalyq saraptama qorytyndysymen, іstіń basqa da qujattarymen dáleldendі. Sot Jadyra Dosekeevaǵa jaza taǵaıyndaý barysynda asyraýynda kіshkentaı balalarynyń bolýyn qylmystyq jaýapkershіlіgіn jeńіldetetіn mán-jaılar dep tanydy, - delіngen habarlamada.
Sot qaýlysy álі kúshіne enbedі. Advokat «sot sheshіmіne kelіspeımіz, apellıatsııalyq shaǵym túsіremіz» dep aıtty.