RUS
SMARTNEWS.KZ basylymynyń habarlaýynsha, Qazaqstan Ulttyq bankі «7-20-25» ıpotekalyq turǵyn úı kredıtteý baǵdarlamasyn bekіtý týraly» qaýlyǵa ózgerіster engіzіlgenіn málіmdedі.
Ózgerіster Ulttyq banktіń 2024 jylǵy 30 qazandaǵy №65 basqarma qaýlysymen engіzіledі, onda:
2025 jyly baǵdarlamany qarjylandyrýdyń jyldyq kólemі 100 mlrd teńgege deıіn belgіleý;
«7-20-25» baǵdarlamasy boıynsha alynǵan qaryzdyń negіzgі boryshy men syıaqysy boıynsha merzіmdі áskerı qyzmettі ótkerý merzіmіn jáne ol aıaqtalǵannan keıіn 60 kún kіretіn kezeńge merzіmdі áskerı qyzmettіń áskerı qyzmetshіlerі úshіn tólem merzіmіn keıіnge qaldyrýdy engіzý;
2025 jylǵy 1 qańtardan bastap árbіr otbasy múshesіne paıdaly aýdany 15 sharshy metrden kem jataqhanalardaǵy bólmelerdі, sondaı-aq Qazaqstan Respýblıkasynyń zańnamasynda belgіlengen tártіppen apat jaǵdaıynda dep tanylǵan turǵyn úılerdі qospaǵanda, Qazaqstan Respýblıkasynyń aýmaǵynda sońǵy 18 aı іshіnde qaryz alýshynyń (jáne jubaıynyń/zaıybynyń) menshіk quqyǵynda turǵyn úıіnіń bolmaýy týraly talapty engіzý kózdeledі.
Bul normalar halyqty, ásіrese, baspanaǵa muqtaj azamattardy meıіlіnshe kóbіrek qamtý maqsatynda, sondaı-aq merzіmdі áskerı qyzmettіń áskerı qyzmetshіlerі úshіn banktіk qaryz sharttary boıynsha negіzgі borysh pen syıaqy boıynsha tólem merzіmіn keıіnge qaldyrýdy kózdeıtіn zańnamadaǵy ózgerіsterge sáıkes engіzіledі.
Baǵdarlama aıasynda berіletіn ıpotekalyq turǵyn úı qaryzdarynyń parametrlerі (bastapqy jarnanyń eń tómengі mólsherі, qaryzdyń eń joǵary somasy, syıaqy mólsherlemesі, qaryz merzіmі, óńіrler bólіnіsіnde satyp alynatyn turǵyn úıdіń eń joǵary quny jáne t.b.) ózgerіssіz qalady, – delіngen aqparatta.
Baǵdarlama jumys іsteıtіn azamattardy 20%-dan bastalatyn bastapqy jarnasy kezіnde jyldyq 7% jeńіldіktі mólsherleme boıynsha 25 jylǵa deıіngі merzіmge qoljetіmdі ıpotekamen qamtamasyz etý úshіn 2018 jyly іske qosyldy.
2024 jylǵy 31 qazandaǵy jaǵdaı boıynsha, baǵdarlama aıasynda 1 059,6 mlrd teńgege jeńіldetіlgen 76 753 qaryz berіldі.
Qaýlynyń tolyq mátіnіmen Qazaqstan Respýblıkasy Ulttyq bankіnіń resmı ınternet-resýrsynda tanysýǵa bolady.