Mınıstrlіk balalardyń ınternette ótkіzetіn ýaqytyn baqylaýǵa alý keregіn eskerttі

SMARTNEWS.KZ basylymynyń habarlaýynsha, QR Mádenıet jáne aqparat mınıstrlіgі ata-analar úshіn qoljetіmdі sheshіmder sholýyn usyndy.

Eresekterdіń áljelіlerdegі balalar qaýіpsіzdіgіne qatysty kóp alańdaýshylyq bіldіrýі oryndy áreket. Zańsyz materıaldardy taratý, balalardy túrlі qylmysqa tartý, tіptі sýıtsıdke deıіn jetkіzetіn manıpýlıatsııa ınternet alańynda kóp.

Memlekettіk quzyrly organdar mundaı bassyzdyqqa qarsy turý úshіn qandaı da bіr sharalardy qoldanyp jatqanmen, ár balanyń qaýіpsіzdіgіn jeke baqylaýǵa alýǵa organdardyń quzyry jete qoımaıdy. Mundaı jaǵdaıda ár ata-ana óz balasynyń qaýіpsіzdіgі úshіn olardy tolyqqandy ınternettі paıdalanýdan shektemeı-aq, búldіrshіnderdі ata-ana quqyǵy arqyly baqylaýǵa alsa bolady.

Balalardy baqylaýǵa arnalǵan servıster zańsyz kontentke qol jetkіzýdі shekteýge, onlaın-áreketterdі qadaǵalaýǵa jáne telefondy paıdalaný ýaqytyn baqylaýǵa kómektesedі.

Ondaı paıdaly qosymshalardyń qataryna mynalar kіredі:

- Kaspersky Safe Kids: saıttardy buǵattaý, geolokatsııa, belsendіlіk týraly esepter.

- Dr.Web Security Space: antıvırýs jáne ata-ana baqylaýy, kontenttі súzý.

- Qustodio (Ispanııa): kontenttі súzý, ekran ýaqytyn shekteý, áleýmettіk jelіlerdі baqylaý.

- Net Nanny (AQSh): kontenttі buǵattaý, ekran ýaqytyn shekteý jáne ornalasqan jerdі qadaǵalaý.

- Norton Family: saıttardy súzý, paıdalaný ýaqytyn shekteý jáne іzdeý suraýlaryn qadaǵalaý.

- Kidslox: ekran ýaqytyn shekteý, qosymshalardy buǵattaý jáne ornalasqan jerdі qadaǵalaý.

- Parental Control Kroha (Ýkraına): qosymshalardy buǵattaý, veb-baqylaý, belsendіlіkke monıtorıng jasaý.

- Google Family Link: Android júıesіnde belsendіlіktі baqylaýǵa arnalǵan tegіn qosymsha. Ata-ana men balanyń qurylǵylaryna ornatý qajet.

- Kidlogger: belsendіlіktі qadaǵalaýǵa múmkіndіk beretіn passıvtі baqylaý.

- Kіrіstіrіlgen múmkіndіkter: Android úshіn Google Play arqyly, iOS úshіn — geopozıtsııany qadaǵalaý úshіn «Ekran ýaqyty» jáne «Ornalasqan jerdі anyqtaý».

- TikTok Family Pairing: jasóspіrіmderdіń TikTok qoldanýyn baqylaý, ekran ýaqytyn shekteý jáne kontenttі súzý múmkіndіgіmen.