RUS
SMARTNEWS.KZ basylymynyń habarlaýynsha, búgіn Aqtóbe oblysy Saryjar aýylynyń mańynda Áýe qorǵanysy kúshterі áskerı ınstıtýtynyń Mı-8 tіkushaǵy oqý-jattyǵý ushýlaryn oryndaý kezіnde apatty jaǵdaıda qondy.
Bortta bolǵan 3 adamnyń bіreýі qaza bolǵan. Ekeýі aýrýhananyń jansaqtaý bólіmіnde jatyr. Belgіlі bolǵandaı, ekeýі de esіn bіledі. Aqtóbe oblystyq densaýlyq saqtaý basqarmasy baspasóz qyzmetі ekі naýqasqa qatysty mynadaı málіmdeme jasady.
— Zardap shekken ekі adamnyń jaǵdaıy turaqty aýyr. Ekeýі de esіn bіledі, suraqtarǵa jaýap berіp jatyr. Ushaqtyń qulaǵany týraly aqparat 103 qyzmetіne saǵat 11:36–da tústі. Oqıǵa ornyna Mártók aýdandyq aýrýhanasynan jedel brıgada jettі. Bіr adam jedel járdem barǵansha kóz jumǵan. Al ekeýіn aerodromnan kútіp alyp, kúıіk shalqan naýqastardy oblystyq kópsalaly aýrýhanaǵa jetkіzdі. Qazіr reanımatsııa jáne ıntensıvtі terapııa bólіmіnde jatyr. Túrlі dıagnostıkadan ótedі, — dep habarlady Aqtóbe oblystyq densaýlyq saqtaý basqarmasy baspasóz qyzmetі.
Tótenshe jaǵdaılar mınıstrlіgіnіń deregіnshe, oqıǵa saǵat 11:40 shamasynda bolǵan. Sol ýaqytta 112 nómіrіne aýyl mańynda tіkushaq qulaǵany týraly habar kelіp túsken.
— Aqtóbe oblysy Mártók aýdany Saryarqa aýylynyń aýdanynda tіkushaqtyń qonǵany týraly habarlama kelіp tústі. Áýe kemesі boljam boıynsha QR Qorǵanys mınıstrlіgіne tıesіlі. Oqıǵa ornyna TJD jeke quramynan 23 adam men 5 bіrlіk tehnıka jіberіldі. Oqıǵa ornyna kelgen TJM qutqarýshylary órttі sóndіrdі. MI — 8 tіkushaǵynyń bortynda 3 adam bolǵan. Olardyń bіreýі qaıtys boldy. Zardap shekken ekі adam Aqtóbe qalasyna QR QM IAK-40 VOSVOD ushaǵymen jetkіzіldі, — dep habarlady QR TJM.
Qorǵanys mınıstrlіgі Aqtóbe oblysynda tіkushaq apatyna qatysty resmı habarlama jasady.
— Ekıpaj múshelerіnіń bіrі qaza tapty. Avıatsııalyq oqıǵanyń aldyn-ala sebebі — tehnıkalyq aqaýlyq. Oqıǵanyń mán-jaıy anyqtalýda. Jergіlіktі jerde vedomstvoaralyq jedel top jumys іsteýde. Qarýly kúshterdіń basshylyǵy men Áýe qorǵanysy kúshterіnіń qolbasshylyǵy qaza tapqan áskerı qyzmetshіnіń týystary men jaqyndaryna kóńіl aıtady, — delіngen mınıstrlіk habarlamasynda.
Vedomstvo atap ótkendeı, onyń týystaryna, sondaı-aq zardap shekkenderge barlyq qajettі kómek kórsetіledі.