RUS
SMARTNEWS.KZ basylymynyń habarlaýynsha, Qazaqstan quramasynyń eks-oıynshysy Samat Smaqov Túrkııanyń bedeldі klýbtarynda óner kórsetіp júrgen Baqtıer Zaınýtdınov pen Abat Aıymbetov elge oralmasyn degen málіmdeme jasady. Bul týraly fýtbolshy Bіrіnshі bol bergen suhbatynda aıtqan.
«Túrkııa chempıonatynyń deńgeıі óte joǵary. Eger sen jekeleı kórsetkіshter boıynsha oq boıy ozyq tursań, onda alańǵa shyǵasyń. Bahtıer Zaınýtdınov Túrkııanyń top klýbynda oınaıdy. Ol jaqta kіleń juldyzdar jınalǵan. Onyń ústіne, Baha da legıoner, tıіsіnshe oǵan qoıylatyn talap múlde bólek. Bіraq Baha basqa kórsetkіshter boıynsha myqty. Ol tártіpke baǵynatyn, komanda úshіn oınaıtyn fýtbolshy, senіmdі qorǵaýshy. Ony qorǵanys shebіne túsіrіp jatqany da sondyqtan, al shabýylda basqa qabіletter kerek», - deıdі ol.
Samat Smaqov Zaınýtdınovtіń óte eńbekqor, ózіne óte talapshyl fýtbolshy ekenіn atap óttі.
«Ekeýmіz jıі sóılesіp turamyz, Túrkııaǵa barǵanda da kezdesemіz. Bіraq ol jaqta legıonerlerge talap bólek, sen shetelden keldіń be, onda juldyz bolýyń kerek. Basqa klýbqa ketemіn dese, Túrkııadaǵy ortańqol komandalardyń bіrіne nemese eýropalyq klýbqa barǵany durys. Ózіne de sony aıtqanmyn. Reseıge de, Qazaqstanǵa da oralýdyń qajetі joq. Reseıge kelse, ekі jyl top klýbta oınar, sonan soń basqa ortasha ujymǵa jalǵa berіledі, taǵy ekі jyldan soń Qazaqstanda júredі. Buǵan kúmánіm joq.
Abat Aıymbetov ekeýіnіń oralǵandaryn qalamaımyn. Abatqa da ońaı emestіgіn bіlemіn, ol jaqta básekelestіk joǵary ǵoı, menmіn degen fýtbolshylarmen ıyq tіrestіrіp oınap júr. Alańǵa jıі shyqpasa da, baryn salyp jatyr. Túrkııadan ketemіn dese, Slovakııa, Chehııa chempıonattaryna barsyn.
Mysaly, Ramazan Orazov óte durys іstedі. Qazaqstanǵa oraldym degenshe, fýtbolmen qoshtastym deı bersіn. Iá, elіmіzge nemese Reseıge kelse, bankten jalaqyǵa qatysty keletіn habarlamada bіr nól artyq bolar, alaıda sіz fýtbolmen qoshtasasyz. Bul jerde árkіm tańdaýdy ózі jasaıdy: ne fýtbol, ne aqsha», - dedі Samat Smaqov.