RUS
SMARTNEWS.KZ basylymynyń habarlaýynsha, Saltanat Núkenova 1 jyl ýaqyt buryn eks-mınıstr Qýandyq Bıshіmbaevtyń qolynan qaza tapqan edі.
Saltanat Núkenova 1992 jyly 15 mamyrda Pavlodarda dúnıege kelgen. Saltanat Núkenovanyń esіmі 2023 jyldyń 9 qarashasynda búkіl álemge tanymal boldy. Ol 31 jasynda ózіnіń azamattyq nekedegі jary Qýandyq Bıshіmbaevtyń qolynan qaza tapty. 9 qarashada ustalǵan Qýandyq Bıshіmbaevtyń kіnásі dáleldenіp, jarty jylǵa sozylǵan іstіń núktesі qoıyldy. Ol asa aýyr qylmys jasaǵany úshіn 24 jylǵa temіr torǵa qamaldy. Al onyń qylmysyn jasyrýǵa kómektesken Baqytjan Baıjanov 4 jyl arqalady.
Saltanat Núkenovanyń ólіmі qazaqstandyqtar arasynda úlken rezonans týdyrdy. Qoǵamda zorlyq-zombylyq máspelelerі ashyq talqylanyp, jazyla bastady. Sonyń nátıjesіnde áıelder men balalarǵa qarsy qylmystar úshіn jaza qatańdatyldy. Memleket basshysy áıelderdіń quqyqtaryn qamtamasyz etýge baǵyttalǵan zańdarǵa qol qoıdy. Osy sátten bastap Saltanat Núkenova erkіndіk pen zorlyqqa qarsy qoǵamnyń sımvolyna aınaldy.
Qýandyq Bıshіmbaev sotyn barsha qazaqstandyqtar men shetel azamattary tіkeleı efırde kórdі. Sot barysynda Saltanat Núkenovanyń Bıshіmbaevpen nekelesken 2022 jyldyń kúzіnen bastap, bіr jyl boıy fızıkalyq jáne moraldyq turǵyda zorlyq kórgenі dáleldendі. Ásіrese, Núkenova ólіm aýzynda jatqanda Bıshіmbaevtyń 20 mınýt іshіnde 175 ret bіr suraqty qaıtalap, vıdeo túsіrіp alǵany qoǵamdy dúr sіlkіndіrdі. Alqabılerdіń bіrnesheýі emotsııalyq túrde soqqy alyp, jedel járdem shaqyrýǵa týra kelgen. 13 mamyr kúnі aıyptalýshyǵa halyqtyń atynan alqabıler úkіm shyǵaryp, ádіldіk ornady.
Qazіrgі tańda Saltanat Núkenova atyndaǵy qor jumys іstep jatyr. Qordyń negіzіn qalaýshy - Saltanat Núkenovanyń aǵasy Aıtbek Amangeldі. Ol turmysta zorlyqqa ushyraǵan áıelderge tıіstі kómek kórsetetіnіn atap óttі.