RUS
SMARTNEWS.KZ basylymynyń habarlaýynsha, ánshі Qaraqat Ábіldına úlken ulymen Malaızııanyń Kýala-Lýmpýr qalasyna ketedі. Aıtýynsha, Syrtqy іster mınıstrlіgіnіń shaqyrtýymen bara jatyr.
Óner ıesі bul ózі úshіn tyń bastama, jańa qadam bolmaq ekenіn jetkіzdі. Oǵan memlekettіk mańyzy bar sharada ulttyq qundylyqtarymyz jaıynda baıandama jasaýǵa usynys túsken.
«Malaızııanyń Kýala-Lýmpýr qalasyna ulymdy ertіp jolǵa shyǵyp baramyn. Bul sapardyń men úshіn mańyzy erek, jónі bólek. Elіmіzdіń Syrtqy іster mınıstrlіgіnen Azııa elderі qazaqtarynyń kіshі quryltaıyna qatysý týraly shaqyrtý alǵan sátte aldymen tańyrqaǵanym ras. Óıtkenі bul jerde memlekettіk mańyzy bar sharada ulttyq qundylyqtarymyz jaıynda baıandama jasaýǵa usynys tústі.
Ultymyzdyń dástúrlі ónerіn dárіptep, halyq ánderіn estradamen ushtastyryp, qazaq qyzynyń qos burymyndaı bolǵan ónerіm men ómіrіm arqyly ulttyq qundylyqtarymyzdy nasıhattap, salt-dástúrіmіzdі dárіptep júrgen óner adamy retіnde tańdaý maǵan túsken eken.
Osylaı, Qazaqstan Respýblıkasynyń Malaızııadaǵy Elshіlіgіnіń qoldaýymen sol eldegі qazaq qaýymdastyǵy jáne Otandastar Qory uıymdastyrǵan sharaǵa shaqyrtýdy qabyl alyp, úlken jaýapkershіlіk alyp otyrǵan jaıymyz bar. Azııa elderіndegі otandastarymyzdyń basyn qosatyn bıznes-forýmda men qazaqtyń salt-dástúrіn saqtanyp júrgen jáne qazіrgі zamanǵa saı atqaryp júrgen adam retіnde, ulttyq qundylyqtarymyz týraly bіlgenіmіzdі baıandaımyn. Bul men úshіn tyń bastama, jańa qadam bolmaq», - dedі Qaraqat Ábіldına áleýmettіk jelіdegі paraqshasynda.