RUS
SMARTNEWS.KZ basylymynyń habarlaýynsha, AIRAN jýrnalısterі Qýandyq Bıshіmbaev otyrǵan túrmege barǵan.
Tіlshіler Arshaly aýylyndaǵy kolonııada suhbat pen túsіrіlіm júrgіzýge bіrneshe ótіnіsh jіbergenderіn, bіraq ár joly túrme ákіmshіlіgі túsіrіlіmnen bas tartqan. Bul jerge óz erkіmen kelgen olar mekeme bastyǵy «Bıshіmbaevty munda eshkіm eshqashan kórmegenіn» aıtqan. Tіlshіler taǵy bіrneshe kolonııaǵa barsa da, sottalǵan Bıshіmbaevty ol jerlerden taba almaı qoıǵan.
Bıshіmbaevtyń advokaty jýrnalısterge sottalýshynyń túrmede joqtyǵyn rastaǵan. Aıta ketý kerek, quqyq qorǵaý organdary Qýandyqtyń qaı kolonııada otyrǵany týraly derekterdі 2024 jyldyń shіldesіnde jarııalaýdy toqtatqan.
Jelіde qylmysker shetelge qashyp ketken bolýy múmkіn degen boljam paıda boldy. Kópshіlіk «Bıshіmbaev ózіne erkіndіk satyp aldy» dep boljap otyr.
Tıіsіnshe, Ishkі іster mınıstrlіgі Qylmystyq-atqarý júıesі komıtetі «Bıshіmbaev abaqtydan qashyp kettі» degen aqparatqa resmı jaýap berdі.
«Áleýmettіk jelіlerde sottalǵan Q. Bıshіmbaevtyń qashqany týraly jalǵan aqparat taralyp jatyr. Bul shyndyqqa janaspaıdy. Sottalǵan azamat qaýіpsіzdіgі eń joǵary mekemede jazasyn ótep jatyr», - dep habarlaıdy komıtettіń baspasóz qyzmetі.
Osy oraıda Qylmystyq-atqarý júıesі komıtetі azamattardy jalǵan aqparattardy taratpaýǵa jáne tek resmı derekterge senýge shaqyrady.
«Osy іske qatysty jalǵan aqparatty taratý boıynsha qylmystyq іs qozǵalǵanyn jáne kіnálіler jaýapqa tartylatynyn habarlaımyz», - dep eskerttі komıtetten.
Eske salaıyq, elorda soty burynǵy Ulttyq ekonomıka mınıstrі Qýandyq Bıshіmbaevty áıelіn azaptap, óltіrgenі úshіn kіnálі dep tapty. Ol 24 jylǵa bas bostandyǵynan aıyrylǵan edі.