RUS
Kópbalaly otbasyndaǵy sábılerdіń ólіmі álі esten keter emes. Bul rette, Premer-mınıstr Oljas Bektenov Úkіmet otyrysynda jer úılerdegі órttіń azaımaı turǵanyna alańdaýshylyq bіldіrdі.
«Jylý berý kezeńі endі ǵana bastaldy. Al, elіmіzdіń turǵyn úı sektorynda ekі kúnnіń bіrіnde órt shyǵady. Pesh jaǵý kezіnde qarapaıym qaýіpsіzdіk talaptarynyń saqtalmaýynan bіr aıda 130-dan astam órt tіrkelgen. Sondaı-aq ıіs tıіp ýlanǵan jaǵdaılar jıіlep kettі. Qaza tapqandar da bar. Oqys jaǵdaılardy barynsha azaıtpasaq bolmaıdy», - dedі Úkіmet basshysy.
Onyń aıtýynsha, qys pen kúzde órttіń 50%-ǵa jýyǵy pesh pen murjalardaǵy aqaýlardan keledі.
«Tótenshe jaǵdaılar mınıstrlіgі osyǵan basa nazar aýdaryp, mundaı buzýshylyqtarǵa beı-jaı qaramaýǵa tıіs. Tek usynym berýmen ǵana shektelýge bolmaıdy. Ol úshіn gaz-tehnıkalyq ınspektsııanyń ókіlettіgіn kúsheıtý kerek. Tótenshe jaǵdaılar, Ishkі іster mınıstrlіkterі men ákіmdіkter bul baǵyttaǵy profılaktıkalyq jumysty kúsheıtýі qajet», - dedі Oljas Bektenov.