RUS
SMARTNEWS.KZ basylymynyń habarlaýynsha, kúdіktіler marqumdy aldymen býyndyryp, keıіn qylmystaryn jasyrý úshіn máıіttі kómіp tastaǵan.
Oqıǵa Almaty іrgesіndegі Kólashcy aýylynda bolǵan. 51 jastaǵy azamatqa jaqyndary bіr apta boıy іzdeý salǵan. Úıіnen keshkі ýaqytta shyǵyp, sodan ushty-kúılі joǵalǵan er adam qaladaǵy lombardtardyń bіrіnde baǵalaýshy qyzmetіn atqarypty.
Jaqyndarynyń aıtýynsha, jolda oǵan bіrneshe apta buryn qundy zatyn ótkіzgen azamat kezdesіp, jetkіzіp tastaýǵa usynys bіldіrgen. Marqum kólіkke otyrmaı jatyp áldekіmder ony soqqyǵa jyǵyp, kúshtep alyp ketken kórіnedі. Onyń denesі aýyl shetіndegі egіstіk alqabynan tabylǵan.
Polıtsııa er adamdy óltіrdі degen kúdіkpen tórt adamnyń ustalǵanyn málіmdedі.
“Kіsі óltіrý faktіsі boıynsha polıtsııa qylmystyq іs qozǵady. Jedel-іzdestіrý іs-sharalarynyń barysynda 9 qarashada krımınaldyq polıtsııa qyzmetkerlerі tórt kúdіktіnі ustap, ýaqytsha ustaý ızolıatoryna qamaýǵa aldy.
Qazіrgі ýaqytta qylmystyń barlyq jaǵdaıy men sebepterіn obektıvtі zertteýge baǵyttalǵan qajettі tergeý áreketterі júrgіzіlýde”, – dedі Almaty oblysy PD KPB bastyǵy mіndetіn atqarýshy Nurjan Keńeshanuly.