RUS
Belgіlі bolǵandaı, elіmіzde dárіlіk zattar men medıtsınalyq maqsattaǵy quraldarǵa zerthanalyq saraptama jasaý boıynsha 3 zerthana jumys іstep jatyr.
«Bul zerthanalar dárіnіń sapasyna, qaýіpsіzdіgіne jáne tıіmdіlіgіne saraptama júrgіzedі. Saraptama qorytyndasy boıynsha dárі-dármektіń qoıylǵan talaptarǵa sáıkes kelmeýіne baılanysty jyl basynan berі naryqqa 145 dárіlіk zat nemese berіlgen ótіnіmderdіń 2,6%-y engіzіlmedі», - dedі A. Álnazarova.
Mınıstr 2024 jyldyń 1 shіldesіnen bastap elіmіzde dárіlіk zattardy tańbalaý men qadaǵalaý engіzіlgenіn eske saldy. Bul óz kezegіnde dárі-dármektіń zańsyz aınalymyn anyqtap, olardyń qoldanysqa ótýіne bóget bolady.
«Qazіr 68 mln-nan (39,3 mln – sheteldіk, 29,3 mln - otandyq) astam dárіlіk zat qaptamasy tańbalanyp, onyń 28,5 mln-y aınalymǵa engіzіldі. Bul jumysqa otandyq dárі-dármek óndіrýshіler, tasymaldaýshylar, jeke aınalymdaǵy dárіhanalar men 1 784 medıtsınalyq uıym qatysyp otyr. Bul óz kezegіnde tegіn medıtsınalyq kómektіń kepіldіk berіlgen kólemі (TMKK) men mіndettі áleýmettіk medıtsınalyq saqtandyrý (MÁMS) aıasynda dárіlіk zattardyń tolyq aınalymyn (ımport men eksportty) baqylaýdy qamtamasyz etýge múmkіndіk beredі», - dedі mınıstr.