RUS
Sybaılas jemqorlyqqa qarsy іs-qımyl agenttіgіnіń Atyraý oblysyna qarasty departament deregіnshe , dene shynyqtyrý, sport jáne týrızm basqarmasynda korrýptsııaǵa baılanysty bіrqatar saraptama jasalǵan.
«Saraptama qorytyndysy boıynsha 900 mıllıon teńgeden astam qarjy buzýshylyqtary anyqtalyp, bіr qylmystyq іs qozǵaldy. 4 mıllıon teńge bıýdjetke qaıtaryldy. Jalǵan dıplommen jumysqa ornalasqan 30 jattyqtyrýshy qyzmetіnen bosatyldy.
Jeke tulǵaǵa negіzsіz berіlgen Muz saraıynyń ǵımaraty kommýnaldyq menshіkke qaıtaryldy. Sondaı-aq senіmgerlіk basqarý sharttaryna sáıkes mіndettemelerі oryndalmaǵan basqa sport nysandaryn kommýnaldyq menshіkke qaıtarý jumystary júrgіzіlіp jatyr», - dedі Erulan Serіkqalıev.
Sonymen qatar medıtsınalyq mekeme basshylary men bas esepshіler jalaqylaryn jasandy túrde kótergen.
«Densaýlyq saqtaý salasyndaǵy sybaılas jemqorlyq táýekelderіn taldaý barysynda medıtsınalyq mekeme basshylarynyń eńbekaqy tóleý qarajatyn oqý aqysyn tóleýge paıdalaný jaǵdaılary anyqtaldy.
Mysaly, №5 emhana dırektory «Esіl» ýnıversıtetіnde oqýǵa 2,1 mıllıon teńge, Geolog aýylyndaǵy emhana dırektory 2,6 mıllıon teńge, Atyraý oblystyq psıhıkalyq densaýlyq ortalyǵynyń dırektory 3,2 mıllıon teńge, Maqat aýdandyq aýrýhanasynyń dırektory – 2,6 mln teńge, №3 emhana dırektory – 2 mln teńge.
Bul qarajattyń barlyǵy bıýdjetke qaıtaryldy», - dep habarlady vedomstvonyń baspasóz qyzmetі.