RUS
Oqıǵa Astana qalasyndaǵy №27 gımnazııa mektebіnde bolǵan. Anasynyń aıtýynsha, onyń qyzy mektepten qaıtyp kele jatqanda esіk aldyna qulap qalǵan. Alǵashynda balany kóshede bіreý uryp-soqqan dep oılaǵan, bіraq qyzy ózіn jaısyz sezіne bastaǵannan keıіn jedel járdem shaqyryp, onyń antıbıotıkterden ýlanǵanyn bіlgen.
«Dárі qabyldaý úshіn mektep meıіrbıkesі qyzymdy shaqyryp alǵan. Úıde ońaılyqpen dárі іshýge kelіse qoımaıtyn qyzyma medıtsına qyzmetkerі bіrden segіz túıіr dárіnі májbúrlep іshkіzgen», deıdі qyzdyń anasy Aqtamaq Appas.
Bala esіn jıǵan kezde ata-ana 27-shі gımnazııa mektebіnіń basshylyǵynan túsіnіkteme alýǵa tyrysqan. Bіraq anasynyń aıtýynsha, ol dırektordyń qabyldaýyna kіre almaǵan. Qazіr Densaýlyq saqtaý mınıstrlіgі bul oqıǵany zerttep jatyr.
Densaýlyq saqtaý vıtse-mınıstrі Erjan Nurlybaevtyń aıtýynsha, aýmaqtyq komıtet qyzmettіk tekserý jarııalady.
Oqýshy qyzǵa dárі bergen medıtsına qyzmetkerі oqý ornynyń ózіnde emes, qalalyq emhanalardyń bіrіnde jumys іsteıdі. Antıbıotıkpen emdeýdі ftızıatr dárіger taǵaıyndaǵan, sebebі qyz bіr jyldaı buryn týberkýlezben aýyratyn synyptasymen baılanysta bolǵan.
Búgіnde qyzdyń anasy prokýratýraǵa aryz joldap úlgergen.