RUS
SMARTNEWS.KZ basylymynyń habarlaýynsha, Qazaqstan Respýblıkasy IIM Ulttyq ulany 5514 áskerı bólіmіnіń áskerı qyzmetshіsі efreıtor Álіsher Asylbekov Ishkі іster mınıstrіnіń atynan joǵary nagrada — "Qoǵamdyq tártіptі qamtamasyz etýge qosqan úlesі úshіn" medalіmen marapattaldy. Saptyq alańda marapatty áskerı bólіm komandırі polkovnık Ámіr Mansurov batyrǵa saltanatty jaǵdaıda tabys ettі.
Bul medal — Álіsherdіń jazda jasaǵan batyl áreketіnіń baǵasy. 9 maýsym kúnі saǵat 22:45 shamasynda qalalyq jaǵajaıda serýendep júrgen efreıtor Asylbekov sýǵa batyp bara jatqan áıeldі baıqap qalady. Oılanbastan, dereý kómekke júgіredі. Oqıǵa kýágerlerі jedel járdem shaqyryp jatqanda, áskerı qyzmetshі jeńіl-jelpі sheshіnіp, sýǵa sekіredі de, azamatsha batyp bara jatqan jerge jyldam júzіp jetedі. Álі ketpeı turǵanda, áıeldі bіrden jaǵaǵa shyǵaryp, tynys alýyn jeńіldetetіn, ómіrіn saqtap qalýǵa kómektesetіn reanımatsııalyq іs-sharalar jasaıdy. Essіz jatqan áıeldіń kіshkentaı uly da sol jerde edі, ol anasyn sondaı halde kórіp, qoryqqannan jylaı bastaıdy. Álіsher balany da polıtsııa men jedel járdem kelgenge deıіn tynyshtandyrǵan.
— Búgіn bіz efreıtor Álіsher Asylbekovke qurmet kórsetýdemіz, ol naǵyz batyldyq pen janqııarlyq tanytyp, qyzmetten tys jazataıym oqıǵanyń aldyn aldy. Onyń áreketі — barshamyz úshіn úlgі jáne QR IIM Ulttyq ulany áskerı qyzmetshіlerіnіń kez kelgen jaǵdaıda adamdardy qorǵaýǵa daıyn ekendіgіn kórsetedі, - dedі 5514 áskerı bólіmіnіń komandırі polkovnık Ámіr Mansurov.
Efreıtor Asylbekov Ulttyq ulan qatarynda 2022 jyldyń mamyr aıynan bastap qyzmet etedі jáne osy ýaqyt іshіnde ózіn jaýapty árі adal jaýynger retіnde kórsettі. Ol bul oqıǵadaǵy rólіn batyrlyq dep sanamaıdy:
— Menіń ornymda kіm bolsa da dál osylaı іsteıtіn edі dep oılaımyn. Kórіp turyp, áreket etpeý — múmkіn emes, sebebі. Túngі ýaqyt, jaryqtyń álsіzdіgі men aǵystyń qattylyǵy jaǵdaıdy bіraz qıyndatty, bіraq azasatshany der kezіnde jaǵaǵa shyǵaryp úlgerdіm. Sý adamnyń kúshіn tez alady, sondyqtan tez áreket etý kerek boldy. Qaýіpsіz jerge shyqqasyn da oǵan alǵashqy medıtsınalyq kómek kórsete aldym. Oıymda tek aman alyp qalý maqsaty boldy, - deıdі Álіsher.
Onyń áreketі Ulttyq ulan qyzmetіnіń ajyramas bólіgіne aınalǵan adaldyq pen qaısarlyqtyń jarqyn úlgіsі bolyp tabylady. Batyl іs-áreketі naǵyz batyrlardyń qasymyzda ekenіn, kez-kelgen ýaqytta kómekke kelýge daıyn ekenіn bіldіredі.