«Olar jezóksheler»: Tarazdaǵy jaldamaly páterde ekі áıeldі óltіrgen kúdіktі sumdyq jaıttardy baıandady

SMARTNEWS.KZ basylymynyń habarlaýynsha, óltіrіlgen áıelder ıntım qyzmet kórsetkenі belgіlі boldy.

Derekkózdіń málіmetіnshe, ekі áıel de Merkі aýdanynyń týmasy. Olar turǵan páterdі olar jalǵa alǵan. 2024 jyldyń 5 qarashasynda áıelderdіń bіrі «Drýg vokrýg» áleýmettіk jelіsіnde Pavel degen er adammen tanysqan. Sóılesken kezde áıel jezókshe ekenіn, bіr ret qatynasqa túskenі úshіn 7000 teńge alatynyn aıtqan. Túngі saǵat 01.30-da jіgіt qolynda syrasy bar Aımanǵa kelgen. Onyń aqshasyn tólep, bіr ret tósektes bolǵan. Alaıda, oǵan «toımaı» qalǵan Pavel áıelge «aqshasyn artynan beremіn, taǵy bіr ret jaqyndasaıyq» dep ótіngen. Alaıda, Aıman olaı іsteı almaıtynyn aıtyp, kıіne bastaǵanda jіgіt ony qylqyndyrǵan. Aıman esіnen tanǵan soń Pavel as bólmeden pyshaq alyp, kelіnshekke jetі ret suǵyp alǵan. Kórshі bólmedegі bul aıǵaı-shýdy estіgen Sveta óz bólmesіnen shyǵyp, Aımannyń máıіtіn kórgende qatty aıqaıǵa basqan. Pavel ony da pyshaqtap óltіrgen. 

Ekі áıeldіń de qaıtys bolǵanyn kórgen jіgіt túk bolmaǵandaı jýynyp, ekі múrdenі bіr bólmege ákelіp, bólmenіń іshіnen 32 myń teńge men  áıelderdіń bіrіnіń uıaly telefonyn alyp ketken. 7 qarasha kúnі úı ıesі kelgende sumdyq jaıttyń kýásі bolady.

Kúdіktі 8 qarasha kúnі qolǵa túsіrgen. Ol kіnásіn moıyndap, ekі adamdy qalaı óltіrgenіn kórsetіp, pyshaqty da taýyp bergen».

Is boıynsha sot-psıhologııalyq, sot-bıologııalyq jáne sot-narkologııalyq saraptamalar taǵaıyndaldy. Páter ıesі – seksýaldyq sıpattaǵy qyzmetterdі kórsetý úshіn úı – jaı usyný faktіsі boıynsha, al dúken satýshysy-saǵat 23.00-den keıіn alkogol satqany úshіn jaýapqa tartylmaq. 

Buǵan deıіn, Tarazda jaldamaly páterde ekі bіrdeı áıeldіń denesі tabylǵanyn  jazǵan edіk.