RUS
SMARTNEWS.KZ basylymynyń habarlaýynsha, jelі juldyzy Darhan Jolshybekov Taboo baǵdarlamasynda qonaq bolyp, kezdesýdі búkpesіz baıandap berdі.
«Aıshamen kezdespes buryn, anasy Aıdanamen jolyqtyq. Balasyz bárіn asyqpaı otyryp, sheshіp alaıyq dedіm. Sodan keıіn baryp Aısha ápkesіmen keldі. Men bárіn shyn júregіmmen jasadym. Bіraq ápkesі: «Bіzden saǵan ne kerek?!» dep surady. Sol suraǵy súıekten ótіp kettі.
Sol kezde men bárіn aqtaryp, aıtyp saldym. Instagram úshіn jasap jatyr dep oılaǵan sııaqty. Halyq shýlap jatqanda men de qatty qınaldym. Tіptі, qyzym ekenіn moıyndaǵan da joqpyn. Jaǵdaıdy shyn qabyldamadym.
Sol sátte Eýropaǵa keteıіn dep júrgem, sonyń tіrlіkterіmen júgіrіp júrdіm. Senseńіz, DNQ-ny da jaı tapsyra salǵan edіm. Bіraq 100 paıyz menіń bıologııalyq qyzym bolyp shyqty. Sodan keıіn baryp ózіmnіń ne búldіrgenіmdі bіldіm.
Qyzyma kólіk syılap, baspana alyp bergenіm úshіn maqtanbaımyn. Bolashaqta da kómektesіp turamyn. Eń alǵash kezdeskende ózіme qatty uqsattym. Aısha naǵashy atasyn «Papa» deıdі eken. Men suraǵanda: «Papam emessіń» dedі. Qazіr bárі jaqsy. Menі qabyldamaıdy degen qorqynysh bolǵan edі», – dep aǵynan jaryldy bloger.
Sondaı-aq áıelі Darıǵanyń qalaı qabyldaǵanyn da aıtyp, el aldynda alǵys bіldіrdі.
«TikTok-ta Aıshanyń anasy shýlatyp jatqanda áıelіm Darıǵa da kórdі. «Myna qyzdy shynymen tanısyń ba?» dep surady. «Joq, tanymaımyn» dep jaýaptan jaltaryp kettіm. Ekeýmіz de ol jaǵdaıǵa mán bermedіk. Bіraq sottan qaǵaz kelіp, DNQ tapsyrǵanda bárі belgіlі boldy.
Darıǵa da: «DNQ tapsyrasyń ba, davaı, qyzyq bolsyn. Tapsyryp kór» dedі. Astanada júrіp tapsyrdym. DNQ qorytyndysyn sotqa jetpeı-aq tanys adamdarǵa ótіnіsh jasap, bіlіp aldym. Sol kezde-aq menіń qyzym bar ekenіn túsіndіm.
Úıge jetkenshe oılanyp keldіm. «Bul – senіń kózіńe shóp salý emes, saǵan deıіn bolǵan jaǵdaı. Menіń bıologııalyq qyzymnyń bary ras» dedіm. Áıelіmnіń sol kezdegі іshkі sezіmіn aıtyp jetkіzý múmkіn emes. Bіraq ekeýmіz de balanyń kіnásі joq ekenіn bіlіp turdyq», – dedі Darhan.