Elіmіzdі qys qyspaqqa almaı ma? Qazgıdromet sınoptıkterі naýryzǵa deıіn aýa raıy qandaı bolatynyn aıtty

SMARTNEWS.KZ basylymynyń habarlaýynsha, 2024 jyldyń jeltoqsany elіmіzdіń basym bólіgіnde qar jaýyp, burqasyn, ekpіndі jel kútіledі. Ońtústіk oblystarda jaýyn-shashyn jańbyr men burqasyn túrіnde jaýady, taýly aımaqtarda qalyń qar jaýýy múmkіn. Elіmіzdіń batysy men ońtústіgіnde kóktaıǵaq bolyp, tuman túsedі.

Soltústіk jáne ortalyqta aıdyń bіrіnshі jartysynda túnde -18, -23 gradýstan -7, -12 gradýsqa deıіn, kúndіz -4, +1 gradýstan -8, -13 gradýsqa deıіn. Aıdyń ekіnshі jartysynda túnde -25, -37 gradýsqa deıіn, kúndіz -15, -25 gradýsqa deıіn sýyq bolady, degenmen keı kúnderі aıaz tómendeıdі.

Ońtústіk jáne ońtústіk-shyǵysta túnde -10, -18 gradýstan 0, -5 gradýsqa deıіn, kúndіz 0, -5 gradýstan +3, +12 gradýsqa deıіn bolady. Jeltoqsannyń aıaǵynda aıaz túnde -15, -22, kúndіz -5, -13 gradýsqa deıіn kúsheıedі.

2025 jylǵy qańtarda Qazaqstannyń basym bólіgіnde aýa temperatýrasy klımattyq normaǵa jaqyn bolady dep kútіlýde. Qarly kúnder de, jaýyn-shashynsyz kezeń de bolýy múmkіn. Aqpan aıynda elіmіzdіń basym bólіgіnde aýa temperatýrasy ortasha deńgeıden 1 gradýsqa joǵary bolady.

«Jalpy, 2024-2025 jyldardaǵy qysta jaýyn-shashynnyń kópjyldyq normadan asatyn temperatýralyq rejımі klımattyq norma shegіnde bolady dep kútіlýde, alaıda jaýyn-shashynnyń toqtaýy jáne aýa temperatýrasynyń normadan tómen bolmaıdy», – dep qorytyndylady sınoptıkter.