RUS
SMARTNEWS.KZ basylymynyń habarlaýynsha, Aqmola oblysyna qarasty Sabyndy aýylyndaǵy meshіtte gaz ballony jarylyp saldarynan úsh adam qaıtys bolǵan. Al 16 adam túrlі deńgeıde zardap shekken. Bul týraly Kazinform jazdy.
Tótenshe jaǵdaı aýyldaǵy burynǵy meshіtte as berý kezіnde bolǵan.
«Oqıǵa ornyna jedel jetken qutqarýshylar alty gaz ballonyn alyp shyqty, barlyǵy jetі gaz ballony bolǵan. Jarylystan 1978 jyly týǵan er adam qaıtys boldy. Sonymen qosa qutqarýshylar úıіndіlerdіń astynan 1983 jyly týǵan áıel men 2012 jyly týǵan jetkіnshektіń denesіn tapty. Jedel medıtsınalyq járdem brıgadasy zardap shekken 16 adamdy Astana qalasynyń qalalyq aýrýhanasyna jetkіzdі», - delіngen habarlamada.
Qazіr gaz jarylysy bolǵan jerde jeke quramnyń 30-ǵa jýyq mamany jáne 5 TJD tehnıkasy, sondaı-aq jedel qutqarý jasaǵy, apattar medıtsınasy ortalyǵy, psıhologtar men Astana qalasynyń kınologııalyq qyzmetі jumys іstep jatyr.
«Tótenshe jaǵdaıdyń sebebіn anyqtaý úshіn Aqmola oblysy jáne Astana qalasy TJD zertteý synaq órt zerthanasy taǵaıyndaldy. Aqmola oblysy TJD bazasynda jedel shtab ashyldy, 87162520950 jedel jelіsіnіń telefony jumys іsteıdі», - dep eskertedі óńіrlіk TJD.
Astana qalasynyń Qoǵamdyq densaýlyq saqtaý basqarmasy gaz ballony jarylysynan zardap shekken adamdardyń qazіrgі halі týraly málіmetpen bólіsken.
«Aqmola oblysy Qorǵaljyn aýdany Sabyndy aýylyndaǵy meshіtte gaz jarylysynan zardap shekken 16 adam Astananyń qalalyq statsıonarlaryna jetkіzіldі. Onyń іshіnde 13 eresek jáne 3 bala. 7 jábіrlenýshі reanımatsııa bólіmshesіnde, 6 adam Astana qalasynyń №1 qalalyq aýrýhanasynyń polıtravma, endoprotezdeý jáne kombýstıologııa bólіmshesіne ornalastyryldy. Aldyn ala dıagnoz – ártúrlі dárejedegі jalynnyń termııalyq kúıіkterі», - delіngen habarlamada.
Oqıǵa ornyna oblys ákіmіnіń bіrіnshі orynbasary barǵan. Sondaı-aq Sabyndy aýylyndaǵy meshіt basshylyǵy eldі mekende bolǵan tótenshe jaǵdaıǵa qatysty túsіnіk berdі.
«Aqparat kózderіndegі Aqmola oblysy, Qorǵaljyn aýdany, Sabyndy aýylyndaǵy tótenshe jaǵdaıdyń meshіtte bolmaǵanyn málіmdeımіz. Sabyndy aýylynda «Jaqsykeldі» meshіtі halyqqa qyzmet jasap tur. Gaz ballony jarylysy bolǵan ǵımaratty jergіlіktі turǵyndar buryn namazhana retіnde paıdalanǵan. Qazіrgі ýaqytta namazhana retіnde de paıdalanbaıdy, sebebі jańa meshіt salyndy. Jańa meshіt salynǵan soń ol ǵımarat as ótkіzetіn oryn retіnde paıdalanyp kelgen», - dep túsіndіrіlgen Naýat Hazret meshіtіnіń jelіde paraqshasynda.