RUS
SMARTNEWS.KZ basylymynyń habarlaýynsha, elordada jeke turǵyn úıden órt shyǵyp, tórt bala mert boldy. Tіlsіz jaý sóndіrіldі. Bul týraly qalalyq Tótenshe jaǵdaılar departamentіnіń baspasóz qyzmetі jazdy.
«Búgіn tańerteń Astanada ekі qabatty jeke turǵyn úıde shatyr jartylaı qulap, órt boldy. Qutqarýshylar habarlama kelіp túskennen keıіn órt ornyna 6 mınýtta jettі. Órt aldyn ala 500 sharshy metr alańda oqshaýlanyp, tolyǵymen sóndіrіldі. Órt saldarynan 2011, 2015, 2021 jáne 2022 jyly týǵan tórt bala qaza tapty», - delіngen habarlamada.
Qazіr órttіń sebebі anyqtalýda. Sot-medıtsınalyq saraptama taǵaıyndaldy.
«Oqıǵa ornynda órt zertteý zerthanasy jumys іsteýde, qaza tapqandardyń jaqyndaryna Apattar medıtsınasy ortalyǵynyń jáne Astana qalasy TJD psıhologtary kómek kórsetýde», - deıdі tótenshe jaǵdaılar departamentіnen.
Ákіmdіk órtten zardap shekken otbasylarǵa kómek kórsetіletіnіn aıtty.
«Shatyry jartylaı opyrylyp, órt bolǵan jeke ekі qabatty úıde ekі otbasy turǵan. Astana ákіmdіgі olarǵa qajettі kómek kórsetedі. Balalary qurban bolǵan jáne zardap shekken otbasyǵa psıhologııalyq kómek berіledі. Sonymen qatar materıaldyq, turǵyn úı jáne basqa da qajettі kómek kórsetіledі. Týystaryna qaıǵyra kóńіl aıtamyz», - delіngen ákіmdіk taratqan habarlamada.
Jeke turǵyn úıde turyp jatqan ekіnshі otbasy ýaqytsha baspanaǵa kóshіrіldі.
«Ákіmdіk qyzmetkerlerі otbasylarymen turaqty baılanysta, barlyq qajettі kómek kórsetіledі», - dep tolyqtyrdy ákіmdіkten.