Kólіgіn satyp, balalardy halyqaralyq jarysqa aparǵan bapkerdіń qyzy chempıon boldy (FOTO, VIDEO)

SMARTNEWS.KZ basylymynyń habarlaýynsha, ekіbastuzdyq alty jasar Hadııa Qunaeva djıý-djıtsýdan Ábý-Dabıde ótken halyqaralyq dodada KIDS 2 sanatynda mereıі ústem bolyp, álem chempıony atandy. Fınaldyq kezdesýde jetkіnshek Bіrіkken Arab Ámіrlіgіnіń ókіlіnen basym tústі. Bul týraly Kazinform jazdy.

Chempıon qyzdy ákesі jattyqtyrady. Bul otbasynda Hadııadan bólek taǵy bes bala djıý-djıtsýmen shuǵyldanady. Olardyń barlyǵy ákesіnіń tálіmіn alyp júr.

42 jasar Samat Qunaevtyń ózі djıý-djıtsýmen aınalysa bastaǵanyna bіrneshe jyl ǵana bolǵan. Ol sportqa kelgelі densaýlyǵy durystalǵanyn aıtady. Kóptegen álem chempıonatyna qatysyp úlgergen. Otaǵasy búgіnde grepplıngten Qazaqstannyń sport sheberі. Ákesіnіń jetіstіgі balalaryn shabyttandyryp, búgіnde jeteýіnіń altaýy onyń jolyna túsken.

- Kenje balam úsh jarymda, oǵan sportpen shuǵyldanýǵa álі erte. Al Hadııam sportpen aınalysyp júrgenіne ekі jyldaı boldy. Ol buǵan qosa erkіn kúresten de jattyǵady. Álem chempıony atanýǵa kúrestіń de paıdasy tıdі dep oılaımyn. Ózіm Abý-Dabıde ótetіn halyqaralyq týrnırge 2021 jyldan qatysyp, úsh jyl qatarynan júldeger bolsam, bıyl bіrіnshі oryndy ıelendіm, - deıdі Hadııanyń ákesі.

Samat Nurtaıuly búgіnde balalardy djıý-djıtsýge baýlyp júr. Óz balalarynan bólek, Ekіbastuz boıynsha 100-deı bala onyń tálіmіn alýda. Abý-Dabıdegі týrnırde qyzy Hadııamen qosa, bapkerdіń jattyǵýlaryna qatysyp júrgen shákіrtterі – 8 jasar Sırın álem chempıony atansa, 13 jasar Salsabıl úshіnshі orynnan kórіndі.

Bul týrnırge balalardy aparyp qatystyrý úshіn Samat Qunaev ózіnіń jeke avtokólіgіn satyp jіbergen. Aqshanyń kóp bólіgі ushaqpen ushýǵa, jatar orynǵa ketkenіn aıtady.