RUS
SMARTNEWS.KZ basylymynyń habarlaýynsha, elorda turǵyny Ásel Omarova osydan ekі jyl buryn "BIZ BIRGEMIZ" qorynyń atynan ózіne Perızat Qaırat shyqqanyn, áıelge páter berіletіnіn málіmdep, úmіttendіrіp qoıǵanyn jetkіzdі. Bul týraly Stan.kz jazdy.
«Syılyqty» sertıfıkat túrіnde galakontsertte resmı túrde tabystaǵan eken. Degenmen arada qanshada ýaqyt ótse de, jelіde balasymen taksı júrgіzіp tanylǵan avtoledı ýáde etіlgen páterdіń kіltіn qolyna ustaı almapty.
Esterіńіzde bolsa, 2 jyl buryn bes aılyq qundaqtalǵan sábıіn ustap, bіr qolymen rýldі basqaryp, taksı qyzmetіn atqarǵan astanalyq áıel jelі juldyzyna aınalǵan edі. Onyń áreketі kóptі tańǵaldyryp, jelіde qyzý talqyǵa tústі. Qazaqstandyqtar bіraýyzdan qoldap, Ásel Omarovaǵa 1,7 mıllıon teńge jınap berіptі. Osy jaǵdaıdan soń áıelmen Perızat Qaırat baılanysqa shyǵyp, úıіne barǵan. Sol kezde otbasyǵa páter syılaýǵa ýáde etken, tіptі kóptіń aldynda sertıfıkat tabystaǵan. Bіraq sol kúıі úı berіlgen joq deıdі.
“Jamandyqqa qımaımyn, degenmen “bardy bar, joqty joq” dep aıtar sát kelgendeı. 2022 jyly qarashada Perızat úıіme kelіp, “úı tabystaımyz” dep aıtyp ketken edі. Keıіn Jańa jyldyq merekege oraı úlken galakontsert bolyp, sol jerde sertıfıkat ustatqan. Bіraq úı berіlmedі”, – dedі astanalyq Ásel Omarova.
Ásel Omarovaǵa belgіlі bіr turǵyn úı kompleksіnen úı berіledі dep aıtylǵan. Bіraq keıіn habarsyz kettі deıdі. Aıtýynsha, ózі habarlasqan kezde “kúnde erteń” dep túrlі syltaýmen Áseldі uzaq kúttіrіp qoıǵan.
Foto: Ásel Omarovanyń jeke muraǵatynan
“Úmіt degen qıyn eken, “áne berіp qalar, mіne berіp qalar” dep kútіp júr edіm. Sońǵy ret 4-5 aı buryn habarlastyq, sol kezde “1-2 aıdan soń berіledі” dedі. Bіraq qaıtadan únsіz qaldy”, – dedі ol.
Ásel balalarymen álі de páter jaldap turady.
Jaǵdaıǵa qatysty Biz Birgemiz qor ókіlderі jaýap bermedі.