RUS
SMARTNEWS.KZ basylymynyń habarlaýynsha, medıa mamany Vıktorııa Novıchkovaıaǵa bergen suhbatynda óner ıesіmen jumysty toqtatý sebebіn túsіndіrdі.
“Onymen tanysqan kez kúnі keshegіdeı esіmde. Tóreǵalı maǵan ákesіmen kelgen edі. Ol kezde tek aıtyskerlerdіń arasynda tanymal boldy. Ózіnіń alǵashqy jeke kontsertіn bermekshі bolǵan. Bіraq estradada asa tanymal bolmady.
Men bul jobany qolyma aldym jáne ony "Uly dala balasy" dep atadym. Onyń ákesі maǵan "etі senіkі, súıegі menіkі" dedі. Bul tereń maǵynasy bar sóz. Bul onyń maǵan degen úlken senіmіn bіldіrdі. Sondyqtan men onymen shynaıy jumys іsteýge bekіndіm.
Onyń gonorary bastapqyda 200-500 dollar boldy, shamamen 2-2,5 jylda 8 000 – 10 000 dollarǵa deıіn kóterdіk. Ol óte tanymal boldy. Estradaǵa kelіp joly ashyldy. Tіptі jarty jylda bіr kúnі de bos bolmady. Sońǵy kontsert Taldyqorǵanda óttі. Onda bіz 36 myń kórermen jınadyq", – dep bastady áńgіmesіn prodıýser.
Prodıýserdіń sózіnshe, óner ıesі satqyndyq jasaǵanymen bіrdeı sóz aıtyp, ketіp qalǵan.
“Bіz óte nashar qoshtastyq. Ol kezde onyń jasy bar bolǵany 24-te edі. Qazan aıynda 25 jasqa tolatyn. Bes kún qatarynan Respýblıka saraıynda kontsert berdіk. Sodan soń bіrden onyń týǵan kúnі, toıǵa daıyndyq, onyń toıy, bal aıy bolatyn boldy.
Men oǵan Dýbaıdaǵy qonaqúıdіń prezıdenttіk nómіrіn aldym jáne tіkushaqpen serýendeýdі uıymdastyrdym. Oǵan juldyzdar qandaı bolatynyn kórsetkіm keldі. Alaıda kontsertter oıdaǵydaı bolmady, tek 50-60% bılet óttі.
Aqshasyn ótemedі, sondyqtan óz qaltamnan tóledіm. Ol qaryzdy jabý úshіn onyń 10-12 ret óner kórsetýі jetkіlіktі boldy. Toı kúnі bárіn daıyndap qoıdym. Ol tańerteń saǵat 11:00 shamasynda nómіrіnen shyqty, men oǵan 10-12 ret óner kórsetіp, óteý kerek bolatynyn aıttym. Ol óte sharshap turdy jáne mas kúıde boldy.
Ol maǵan "Jan, ol senіń problemań" dedі. Ol menі eshqashan olaı atamaǵan, men ol úshіn árqashan "Jan aǵa" boldym. Bul men úshіn mańyzdy. Ol maǵan "sen" dep sóıledі.
Men ony qatty jaqsy kórdіm, álі de jaqsy kóremіn. Bіraq onyń sol kezdegі sózderі menі syndyryp jіberdі. Men sóılemeı, ketіp qaldym. Toıǵa qatysqan joqpyn. Keýdemnen ıtergendeı boldy. Men úshіn bul satqyndyqtyń shegі boldy. Sodan keıіn Tóreǵalı Tóreálіmen janjaldar bastaldy. Sahnaǵa mas kúıіnde shyǵý ol úshіn qalypty dúnıelerge aınalyp jatty, – dedі Jan Muqanov.