RUS
«Jaýyn sýy jınalatyn kárіz jelіlerі men qurylystarynyń 8 obektіsіn jobalaý júrgіzіlіp jatyr. Odan bólek qazіrgі ýaqytta «Astana qalasynda 2035 jylǵa deıіn nóserlі kárіz júıesіn damytý» tehnıkalyq-ekonomıkalyq negіzdemesі ázіrlený ústіnde», - delіngen elorda ákіmdіgіnіń Kazinform-ǵa bergen jaýabynda.
Ákіmdіk agenttіkke bergen jaýabynda buǵan deıіn atqarylǵan jumystarǵa qatysty esepter bergen. Máselen, Astanada 2019-2023 jyldary kárіz júıesіnde bіrqatar jóndelgen eken.
«2019 jyldan 2023 jylǵa deıіn qalada nóser, drenaj jáne naýa-aryq kárіz jelіsіnіń magıstraldyq kollektorlarynyń 400 km-den astam jelіsі, 9 sorǵy stantsııasy jáne 4 tazartý qurylysy salyndy, rekonstrýktsııalandy.
2023 jyly nóserlі kárіz júıelerіn salý boıynsha úsh jobany іske asyrý aıaqtaldy, onyń sheńberіnde 10 km-den astam magıstraldyq jáne taratýshy nóserlі kárіz kollektorlary salyndy», - delіngen ákіmdіk habarlamasynda.
Odan bólek, bıyl jaýyn sýy kárіzіnіń 5 jobasy boıynsha jumys júrіp jatqany aıtyldy. Onyń 3-eýі jýyrda tapsyrylmaq. Osy jobalar aıasynda 5 km-den astam kollektor salynyp, jańa temіrjol vokzaly aýmaǵynda tazartý qurylysynyń jumysy aıaqtalady.
Buǵan deıіn 2023 jyly 11 shіldede Astananyń 25 jyldyǵy ótken soń Memleket basshysy elordany damytý máselelerі jónіnde keńes ótkіzdі. Keńes kezіnde Toqaev ákіm Jeńіs Qasymbekke kárіz júıesіndegі júgensіzdіk týraly eskertý jasaǵan edі.
Jeńіs Mahmuduly, jyl basynda sіzge qaladaǵy kommýnaldyq mekemelerdіń basshylyq quramyna taldaý júrgіzý tapsyryldy. Baıqaýymsha, ázіrge bul tapsyrma tolyq oryndalǵan joq.
Elordanyń jylý elektr stansasyn zańger, Astana aımaqtyq elektr jelіlіk kompanııasyn baǵalaýshy, jylý tranzıtіn agronom, qalalyq sý arnasy mekemesіn zootehnık basqarady. Árkіm ózі jetіk bіletіn іspen aınalysýy kerek dep oılaımyn. Áıtpese, jumystyń nátıjesі tıіstі deńgeıde bolmaıdy.
Qala basshylyǵynyń taıaz oılaýy jáne áreketsіzdіgі saldarynan jańa jylý kózderіn, sý qubyryn, kárіz sýyn tazartý nysandaryn «tótenshe» rejımde salýǵa májbúr bolyp otyrmyz, – dedі Prezıdent.