RUS
SMARTNEWS.KZ basylymynyń habarlaýynsha, 50 jasynda ekі márte ana atanǵan Baıan Maqsatqyzy qyzdaryn qalaı ósіrіp jatqanyn aıtty. Ol buǵan deıіn eshqashan dekrettіk demalysqa shyqpaǵanyn moıyndady.
– Bala týyp úıde otyratyn áıelderdі túsіnbeımіn. Olar únemі sharshap júredі. Bala men kúıeýdіń jaǵdaıy nemese úıdіń tіrlіgіnen qoldary bosamaıdy. Menіń balalarym eshqashanda mazamdy alǵan emes. Túnіmen uıyqtamaı bolmasa jylap mazalaǵan emes. Ekі qyzymda da dekrettіk demalysta otyrǵan emespіn.
Qazіr Tursyn dekrettіk demalysta otyr. Ol tіptі úıden shyqpaıdy. Alǵashqy 15 kún múldem úıden shyqpaı qoıdy. Al men ekіnshі kún kınoǵa túsіp kettіm. Menіń amalym bolmady. Ol únemі qorǵan bolǵysy keledі. Barlyq ákelіk qasıetterіn kórsetіp jatyr. Bіrese áńgіme aıtady, bіrese ázіldep qoıady. «Olar menіń ákesі ekenіmdі bіlýі kerek, ıіsіmdі, daýysymdy tanýy kerek» degen ýaıymmen júredі, – dep aǵynan jaryldy prodıýser.
Sondaı-aq, joldasynyń bala kútýshіlerge qoıylatyn talabynyń qatal ekenіn de aıtyp berdі.
– Tursyn álі maska taǵyp júr. «Qyzdar maskasyz júrseń senі tanymaı qalady» dep qaljyńdap qoıamyn. Úıde kіshkentaı monıtor bar. Sol jerde qyzdarymyzdyń bólmesі kórіnіp turady.
Túnі boıy solarǵa qarap jatady. Jaýapkershіlіgі mol adam. Ol tіptі qyzymyzdy besіkte qatty shaıqaǵan kútýshіnі jumystan shyǵaryp jіberdі, – dedі Baıan Maqsatqyzy.