RUS
SMARTNEWS.KZ basylymynyń habarlaýynsha, otandyq tanymal prodıýser Jan Muqanov Tóreǵalı Tóreálіmen qalaı tatýlasqanyn aıtty. Prodıýser men ánshі janjaldan keıіn araǵa úsh jyl salyp, bіr-aq kezdesken.
Jan Muqanov ózі prodıýserlіk etken Tóreǵalı Tóreálіmen tatýlasqan kezіn Vıktorııa Novıchkovaǵa bergen suqbatynda aıtyp berdі. Prodıýser «Uly dala balasyn» úsh jyldan keıіn kórgende oǵan shapalaq bergіsі kelgenіn moıyndady. Ol Tóreǵalı de mundaı jaǵdaıǵa daıyn bolǵanyn jetkіzdі.
Alaıda prodıýser men ártіs eshqandaı qol kóterýsіz, aradaǵy máselenі durys jaǵynan sheshken. Muqanov ánshі ekeýі úsh jyldan keıіn qushaqtasyp, jylap tabysqanyn jasyrmady.
«Araǵa úsh jyl salyp, Shymkentte kórіsemіz. Ol kezde Shymkentke kóshіp ketkenmіn. Keńsemde otyrdym. Ekeýmіzdіń ortaq tanysymyz bar. Ol kіsі de tanymal toı-mereke uıymdastyrýshysy. Ol menen bіr ártіske óner kórsetýge dombyramdy bere turýyn suraıdy.
Menіń dombyralar kollektsııam bar. Artyq oısyz, ótіnіshіn qabyl aldym. Dombyramdy berdіm. Ózі kelіp, alyp kettі. Bіraq bіrneshe saǵattan soń maǵan habarlasyp, «Sen renjіmeısіń dep oılaımyn. Bul dombyrany men Tóreǵalıge berdіm» deıdі. Men renjіgen joqpyn. Ol kezde men bárіn umytyp, renіshіm basylǵan.
Ol maǵan dombyrany Tóreǵalıdіń ózі aparyp bergіsі kelіp turǵanyn aıtty. Sóıtіp úsh jyldan keıіn kezdestіk. Men oǵan shapalaq berem dep oıladym. Ol da menі uratyn shyǵar dep oılaǵanyn aıtty. «Sіz menі ursańyz da, men soǵan laıyqty edіm» dedі.
Sońynda qushaqtasyp, jyladyq. Shynymdy aıtsam, men ony qatty jaqsy kórdіm, jaqsy kóremіn de. Men prodıýserlіk etken juldyzdardyń arasynda Tóreǵalı bіregeıі edі. Men bul jobamdy maqtan tutamyn. Bіz tarıh jasadyq. Az ýaqyt іshіnde 10, 20, 30 myńdyq stadıondardy jınaý kez kelgen ártіstіń qolynan kele bermeıdі», - dedі Jan Muqanov.