RUS
Belgіlі bolǵandaı, Ulttyq qaýіpsіzdіk komıtetі 16 qarashada Bas prokýratýramen bіrlesіp, Antalııa qalasynan Almatyǵa halyqaralyq terrorıstіk uıymnyń áreketіne qatysy bar degen kúdіkpen QR azamatyn jetkіzgen. Tergeý materıalyna sáıkes, ol erterekte Sırııaǵa ketіp, qarýly toptardyń bіrіne qosylǵan. Sodan keıіn Túrkııaǵa jetіp, sol jerde polıtsııa organdarynyń qolyna túsken.
Onyń óz erkіmen Qazaqstanǵa qaıtyp, zańmen qarastyrylǵan qylmystyq jaýapkershіlіktі tartýǵa daıyn ekenі anyqtalyp otyr. UQK Qylmystyq kodekstіń 257-baby 2-bólіgі boıynsha sotqa deıіngі tergep-tekserýdі júrgіzіp jatqanyn atap ótken jón. Ol sot sanktsııasymen qamaýǵa alyndy.
Esterіńіzge salsaq, Sırııadaǵy soǵys aımaǵynan otandastarymyzdy elge qaıtarýǵa baǵyttalǵan «Jýsan operatsııasy» sáttі júzege asqany belgіlі. Tórt kezeńge bólіngen operatsııa barysynda Qazaqstanǵa 595 azamat elge qaıtaryldy. Onyń іshіnde 406 bala, 156 áıel jáne 33 er azamat bar.
Olardyń basym bólіgі – 2012 jáne 2015 jyldar aralyǵynda Astana, Almaty qalalary, Atyraý, Batys Qazaqstan, Qaraǵandy jáne Mańǵystaý oblystarynan ketkender.