Kókónіs kóp, problema joq
Elіmіzdіń qaı óńіrіn alsaq ta, kókónіs sharýashylyǵymen aınalysatyn іrі sharýashylyqtar jeterlіk. Bul rette, Aýyl sharýashylyǵy vıtse-mınıstrі Azat Sultanov іshkі naryqtyń otandyq kókónіspen qamtamasyz etіlýіne qatysty pіkіr bіldіrdі.
Úkіmet otyrysynan keıіngі brıfıngte vıtse-mınıstr osydan bіrneshe jyl buryn іshkі naryqta kartop baǵasynyń kúrt óskenі baıqalǵanyn eske saldy.
«Qazіr mundaı problema joq. Bul ákіmdіkter men Aýyl sharýashylyǵy mınıstrlіgіnіń uıymdastyrylǵan sharýashylyqtarda kartop óndіrіsі kólemіn arttyrýǵa baǵyttalǵan jumysynyń arqasynda múmkіn bolyp otyr. Mundaı sharýashylyqtar ónіmdі qalalar men іrі saýda jelіlerіne ortalyqtandyrylǵan jetkіzіlіmmen qamtamasyz etedі.
Kókónіske qatysty da jaǵdaı solaı. Ónіm jınaldy jáne jańa jylǵa deıіn ózіmіzdіń kókónіspen tolyqtaı qamtamasyz etіlgenbіz. Bul kartopty qosa alǵanda sorpa jıyntyǵy dep atalǵan negіzgі topqa qatysty», - dedі Azat Sultanov.
Sonymen qatar ol kókónіske jetkіzýge qatysty negіzgі problema maýsymaralyq kezeńde týyndaıtyndyǵyn atap óttі. Degenmen, qabyldanyp jatqan sharalardyń arqasynda naryq turaqty ekenіn basa aıtty.
Material avtory
