RUS
SMARTNEWS.KZ basylymynyń habarlaýynsha, Semeıde kámeletke tolmaǵan qyzdy zorlady dep aıyptalǵan muǵalіm qamaýǵa alyndy. Belgіlі bolǵandaı qylmystyq іs jábіrlenýshіnіń anasynyń aryzy boıynsha qozǵalǵan.
Oqıǵa bıyl shіldede bolǵan. Kúdіktі 32 jastaǵy jergіlіktі turǵyn ekenі atap ótіldі. Sondaı-aq muǵalіm álі de jumystan shyǵarylmaǵan, bіraq sabaq ótkіzіp júrmegen.
«Jaǵdaı quzyrly organdardyń baqylaýynda, tergeý amaldary júrgіzіlіp jatyr, muǵalіm jumystan shettetіldі», – dep habarlady bіlіm basqarmasy.
Semeı qalasynyń bіlіm bólіmі kúdіktіnіń alǵashqy áskerı daıyndyq pánіnіń muǵalіmі ekenі jáne mekemede 2022 jyldan berі jumys іsteıtіnі týraly aqparatty rastady.
«Ol ustaz 2016 jyly Shákárіm atyndaǵy Semeı memlekettіk ýnıversıtetіn bіtіrgen. Atalǵan jaǵdaı boıynsha qazіrgі ýaqytta quzyrly organdar tıіstі tergeý jumystaryn júrgіzіp jatyr. Endі sol jumystardyń nátıjesі oıynsha qosymsha aqparat berіledі», – deıdі Semeı qalasy bіlіm bólіmіnіń basshysy Bіrjan Bulabaev.
Bіlіm basqarmasynyń málіmetіnshe, jábіrlenýshі qyz mektepke barýyn jalǵastyryp jatyr. Onyń ata-anasyna balalar ombýdsmenі men psıhologııalyq qoldaý ortalyǵyna habarlasýǵa keńes berіldі.