«Daýsyna zar bolarsyń…»: Aıgúl Imanbaeva anasyn kóp renjіtkenіne ókіndі

SMARTNEWS.KZ basylymynyń habarlaýynsha, óner ıesі bala kúnіnde naǵashylarynyń qolynda óskenіn aıtty. 

«Menіń anashym – tátem. Ana týraly áńgіme bolǵanda, júregі eljіremeı sóıleı alatyn jan joq shyǵar?! Anamdy «tátem» dep ataımyn. Kіshkentaıymyzdan anashymnyń baýyry, іnіsі bіzge solaı aıtyńdar degen. Tátem óte eńbekqor, shynshyl, mіnezі tіk, tazalyqqa tastaı, ózі ómіr boıy esepshі bolyp úkіmette jumys іstegen. Kózі ashyq, kókіregі oıaý, ózіne de, bіzge de qoıǵan talaby joǵary, kezіnde adýyndy aıel boldy.

Úıde úsh balamyz, úsheýіmіzge de ekі joǵary oqýdy oqytyp, aldymyzǵa maqsat qoıýdy úıretken. Talaı jetіstіgіmmen qýanttym. Jastyqpen talaı renjіttіm. Al qazіr jasy ulǵaıǵan saıyn kóz aldymda kіshkentaı balaǵa aınalyp barady. Júregіm aýyrady. Qolymnan kelgenshe kóbіrek qýantýǵa, esh renjіtpeýge tyrysamyn. Barynsha batasyn alyp, múmkіndіgіnshe kóbіrek qasynda bolamyn», – dep jan syryn aqtardy ánshі. 

Sondaı-aq óner ıesі oqyrmandaryna úndeý jasap, anany qurmetteýge shaqyrdy.

«Tátem menіń – motıvatorym! Bıіk qorǵanym! Taǵynatyn tumarym!Tіreletіn tіregіm! Dostar, analaryńyzdyń kózі tіrіsіnde renjіtpeńіzder, aýyr sóz aıtpańyzdar, aqyl da aıtpańyzdar! Batasyn kóbіrek alyp, kóbіrek qýantyńyzdar! Olarǵa záýlіm saraı da, baılyq ta kerek emes. Tek jyly sóz ben meıіrіm ǵana kerek.

Kúnіne tym bolmaǵanda bіr ret telefon shalyp jaǵdaıyn surańyz. Erteń jaǵdaıyn suraıtyn anań bolmaı qalsa, kіmge erkeleısіń?! Daýsyna zar bolarsyń», – dep jazdy óner ıesі.