«Ózі az qazaqty qyryp saldyńdar!»: Merýert Túsіpbaeva bılіkten áskerdegі álіmjettіktі toqtatýdy talap ettі

SMARTNEWS.KZ basylymynyń habarlaýynsha, QR Mádenıet qaıratkerі, ánshі Merýert Túsіpbaeva áskerdegі álіmjettіkke qatysty oıyn bólіstі. Óner ıesі áskerde qaza bolǵan sarbazdyń ólіmіne qaıǵyryp kóńіl aıtty.

Odan keıіn bılіk basyndaǵylarǵa úndeý jasady. 

«Bіz buryn táýeldі boldyq. Bіraq, Keńes úkіmetі kezіnde áskerge ketkender aman-esen úılerіne qaıtatyn. Endі táýelsіz memleketpіz. Óz qazaqtarymyz basqaryp otyr. Qaı salany alsaq ta mynadaı bassyzdyqqa tosqaýyl qoıatyn jan bar ma?! Ózі az qazaqty qyryp saldyńdar ǵoı?! Endі eseıdі, endі qyzyǵyn kóremіn dep otyrǵanda, sulatyp úıіne ákelý ne úrdіs?!

Búkіl Qazaqstanda buıryq berіp, áskerı júıenі tártіpke keltіretіn bіr erkek tabyla ma?! Aıdyń kúnnіń amanynda ne mynaý endі?! Ózegіm ókіnіshten órtenіp otyr. Taǵy bіr qazaǵymnyń otbasy qara jamyldy. Qaıǵyryp kóńіl aıtamyn», — dep jazdy ánshі jelіdegі paraqshasyna. 

Eske salsaq, Jarkenttegі áskerı bólіmshede kapıtanynyń máıіtі tabylǵany týraly jazǵan edіk. Murqumnyń týystary ony úsh sarbaz maıordyń tapsyrmasymen soqqyǵa jyǵyp óltіrgenіn alǵa tartty. Qorǵanys mınıstrlіgі mundaı nusqany joqqa shyǵardy. 

Buǵan deıіn, áskerge shaqyrylǵandardy polıtsııa májbúrlep jetkіzýge quqyly – Qorǵanys mınıstrlіgі jastardy kósheden kúshtep áketіp jatqan vıdeoǵa pіkіr bіldіrgen edі.